كوستەنكو اتىنداعى شاحتادان قىرىق بەسىنشى كەنشىنىڭ ءمايىتى تابىلدى، دەپ حابارلايدى "ادىرنا" ءتىلشىسى.
قاراعاندى وبلىسىنداعى اۆاريانى جويۋ جونىندەگى جەدەل شتاب تاۋلىك بويى جۇمىس ىستەۋدە.
سوڭعى دەرەكتەر بويىنشا 45 كەنشىنىڭ دەنەسى تابىلدى، 1 كەنشىنى ىزدەۋ جالعاسۋدا.
اپاتتىڭ بولجامدى ەپيتسەنترىن انىقتاۋ ماقساتىندا تەكسەرۋ ءۇشىن توتەنشە جاعدايلار ءمينيسترى سىرىم ءشارىپحانوۆ شاحتاعا ءتۇستى. مينيسترلىك تاراتقان حابارلامادا:
"جۇمىستار ءبىر-بىرىنەن شامامەن 6 كم قاشىقتىقتا ورنالاسقان ەكى ءوندىرۋ ۋچاسكەسى اۋدانىندا جۇرگىزىلۋدە.
كەنشىلەر ورنالاسۋى مۇمكىن ىقتيمال ۋچاسكەلەرگە تاۋ-كەن قۇتقارۋشىلارىنىڭ ءوتۋىنىڭ بارلىق مۇمكىن جولدارى پىسىقتالۋدا",-دەلىنگەن.
قازىر كوزگە كورىنەتىن جانۋ وشاقتارى جوق ءارى گاز جاعدايى قالىپتى.
سونىمەن قاتار، مينيستر اۆاريانى تەرگەۋ جونىندەگى ۇكىمەتتىك كوميسسيا مۇشەلەرىمەن وتىرىس وتكىزدى.