اۋداندا مال شارۋاشىلىعى دامىعاندىقتان مۇنداعى حالىقتىڭ باستى تابىس كوزى دە وسى سالا. ايماقتا ەكى مال بورداقىلاۋ الاڭى، 838 شارۋا قوجالىعى، 27220 جىلقى،126896 قوي مەن ەشكى جانە 130 باس تۇيە مەن 20 مىڭنان استام قۇس تىرلكەنگەن. وڭىردە مال ازىعى تاپشىلىعى جوق. اۋداندا 701 3047 گا جايىلىمدىق جەر.
شۇرايلى جەردە مال شارۋاشىلىعىمەن اينالىساتىنداردىڭ ءبىر پاراسى جەرگىلىكتى حالىق ارال دەپ اتالاتىن ماڭدا ورنالاسقان. سونىڭ ىشىندەگى ەڭ ءىرىسى «ايساۋلە» شارۋا قوجالىعى. اۋدان ورتالىعى باقاناستان 150 شاقىرىمداي جەردە ورنالاسقان. 2017 جىلى 130 باس ءىرى قارامەن باستالعان شارۋاشىلىق، بۇگىنگە ىرگەسىن كومگەن اتا كاسىپكە اينالعان. قازىرگى تاڭدا قوجالىقتا 300 باس جىلقى 400 باس سيىر بار. مۇنداعى بارلىق جانۋار جەرگىلىكتى مال دارىگەرلەرىنىڭ ءجىتى نازارىندا.
«شارۋاشىلىقتى باستاعان كەزدەن باستاپ جۇمىسىمىز ىلگەرى باسۋدا. مەملەكەتتەن تۇراقتى تۇردە سۋبسيديا الامىن. بۇلدا جۇمىستىڭ العا باسۋىنا ۇلكەن كومەك. مال دارىگەرلەرى دە ۋاقىتىلى جانۋارلاردى قاراپ تۇرادى. مەملەكەتتەن تەگىن ۆاكتسينا بەرىپ، سالىپ بەرىپ جاتىر. بۇگىن ءىرى قارانى ءسىبىر جاراسىنا قارسى ەگەمىز»،-دەدى قوجالىق يەسى نۇرلان بەكايدار.ايتا كەتەيىك، بالقاش اۋدانىندا 99 مىڭ ءىرى قارا مال ءسىبىر جاراسىنا قارسى ەكپە العان. سونىمەن قاتار، 104 مىڭ ۇساق مال، 27مىڭنان استام جىلقى مەن 80 تۇيە ىندەتكە قارسى ەگىلگەن. «بۇگىن «ايساۋلە» شارۋا قوجالىعىنا كەلىپ، ءسىبىر جاراسىنا قارسى ەكپە سالىپ جاتىرمىز. كوكتال اۋىلدىق وكرۋگىندە 9760 باس ءىرى قارا مال بار. سونىڭ ىشىندە 3250-ءى ەگىلدى. اۋىلدىق وكرۋگتە 52 شارۋا قوجالىعى تىركەلگەن. سونىڭ 36-دا ەگۋ جۇمىستارى اياقتالدى»،-دەيدى كوكتال اۋىلدىق وكرۋگىنىڭ مال دارىگەرى نۇرلان انداسباەۆ. مامانداردىڭ ايتۋىنشا، ءسىبىر جاراسىنا قارسى جانۋارلاردى ەگۋگە كازبيوفارم ۇلتتىق حولدينگى اق-نىڭ ەكپەسى قولدانىلادى .1 قۇتى 50 باس مالدى ەگۋگە جەتكىلىكتى.
