Audanda mal şaruaşylyǧy damyǧandyqtan mūndaǧy halyqtyŋ basty tabys közı de osy sala. Aimaqta ekı mal bordaqylau alaŋy, 838 şarua qojalyǧy, 27220 jylqy,126896 qoi men eşkı jäne 130 bas tüie men 20 myŋnan astam qūs tırlkengen. Öŋırde mal azyǧy tapşylyǧy joq. Audanda 701 3047 ga jaiylymdyq jer.
Şūraily jerde mal şaruaşylyǧymen ainalysatyndardyŋ bır parasy jergılıktı halyq aral dep atalatyn maŋda ornalasqan. Sonyŋ ışındegı eŋ ırısı «Aisäule» şarua qojalyǧy. Audan ortalyǧy Baqanastan 150 şaqyrymdai jerde ornalasqan. 2017 jyly 130 bas ırı qaramen bastalǧan şaruaşylyq, bügınge ırgesın kömgen ata käsıpke ainalǧan. Qazırgı taŋda qojalyqta 300 bas jylqy 400 bas siyr bar. Mūndaǧy barlyq januar jergılıktı mal därıgerlerınıŋ jıtı nazarynda.
«Şaruaşylyqty bastaǧan kezden bastap jūmysymyz ılgerı basuda. Memleketten tūraqty türde subsidiia alamyn. Būlda jūmystyŋ alǧa basuyna ülken kömek. Mal därıgerlerı de uaqytyly januarlardy qarap tūrady. Memleketten tegın vaksina berıp, salyp berıp jatyr. Bügın ırı qarany Sıbır jarasyna qarsy egemız»,-dedı qojalyq iesı Nūrlan Bekaidar.Aita keteiık, Balqaş audanynda 99 myŋ ırı qara mal Sıbır jarasyna qarsy ekpe alǧan. Sonymen qatar, 104 myŋ ūsaq mal, 27myŋnan astam jylqy men 80 tüie ındetke qarsy egılgen. «Bügın «Aisäule» şarua qojalyǧyna kelıp, Sıbır jarasyna qarsy ekpe salyp jatyrmyz. Köktal auyldyq okrugınde 9760 bas ırı qara mal bar. Sonyŋ ışınde 3250-ı egıldı. Auyldyq okrugte 52 şarua qojalyǧy tırkelgen. Sonyŋ 36-da egu jūmystary aiaqtaldy»,-deidı Köktal auyldyq okrugınıŋ mal därıgerı Nūrlan Andasbaev. Mamandardyŋ aituynşa, Sıbır jarasyna qarsy januarlardy eguge kazbiofarm ūlttyq holdingı AQ-nyŋ ekpesı qoldanylady .1 qūty 50 bas maldy eguge jetkılıktı.
