فرانتسيا پرەزيدەنتىنىڭ ساپارى اياسىندا ەلىمىزدە فرانتسۋز مەكتەپتەرى اشىلاتىن بولىپتى. بىردەن انا ءتىلىمىزدىڭ تاعدىرىن ويلايمىز عوي.
قاراسام، بۇل جاپپاي سيپات المايدى، 2 مەكتەپ 1000-عا جۋىق وقۋشى ورىندارى اشىلادى ەكەن، كەيىن فرانتسۋز تىلىمەن قاتار قازاق ءتىلى، ادەبيەت، قازاقستان تاريحى مەن گەوگرافياسى وقىتىلاتىن بولىپتى.
بۇل مەكتەپتەردىڭ تۇلەكتەرىنىڭ العان اتتەستاتى ەكى ەلدە دە تانىلاتىندىعى كوڭىلىمنەن شىقتى، بۇل دەگەنىمىز مەكتەپ تۇلەكتەرىنىڭ فرانتسيانىڭ جەتەكشى جوعارى وقۋ ورىندارىندا وقۋىن جالعاستىرۋعا مۇمكىندىگى بولاتىنىن بىلدىرەدى. بۇل وتاندىق ءبىلىم ساپاسىنا وڭ اسەر ەتەدى.
سونداي-اق ەكى ەل اراسىنداعى ەكونوميكالىق قاتىناستار ءۇشىن دە وڭتايلى اسەر ەتەدى، بولاشاقتا فرانتسۋز ءتىلى مەن مادەنيەتىن جەتىك بىلەتىن جاستارىمىز ەكى ەل اراسىنداعى ەكونوميكالىق ۇردىستەرگە دە تىڭ سەرپىن بەرەتىن بولادى دەپ ەسەپتەيمىن.
ەكى ەل اراسىنداعى ىنتىماقتاستىقتىڭ وقۋ اعارتۋ سالاسىندا بولىپ جاتقانى قۋانتادى.
