مەملەكەت باسشىسى قاسىم-جومارت توقاەۆ نەپال پرەزيدەنتى رام چاندرا پاۋدەلگە كوڭىل ايتۋ جەدەلحاتىن جولدادى، دەپ حابارلايدى "ادىرنا" ءتىلشىسى اقورداعا سىلتەپ.
قاسىم-جومارت توقاەۆ نەپال پرەزيدەنتى مەن حالقىنا جەر سىلكىنىسى سالدارىنان قايتىس بولعاندارعا بايلانىستى كوڭىل ايتۋ جەدەلحاتىن جىبەردى.
«مەن نەپالداعى جويقىن جەر سىلكىنىسىنىڭ سالدارىنان كوپتەگەن ادامداردىڭ قازا تاپقانى جانە قۇربان بولعانى تۋرالى حاباردى قاتتى وكىنىشپەن قابىلدادىم. قازاقستان حالقىنىڭ اتىنان جانە جەكە ءوز اتىمنان سىزگە جانە جاقىندارىنان ايىرىلعان وتباسىلارعا كوڭىل ايتامىن. تابيعات اپاتىنان زارداپ شەككەندەردىڭ تەزىرەك ساۋىعىپ، حابارسىز كەتكەن ازاماتتاردىڭ وتباسىلارىنا ورالۋىن تىلەيمىن»، - دەلىنگەن جەدەلحاتتا.
ەسكە سالا كەتەيىك، نەپالداعى جويقىن جەر سىلكىنىسىنەن 128 ادام قايتىس بولدى. حابارسىز جوعالىپ كەتكەن ازاماتتاردى ىزدەۋ جۇمىستارى جۇرگىزىلۋدە.
