كاسىپكەر مارك تسۋكەربەرگ اۋرۋحاناعا ءتۇستى، دەپ حابارلايدى "ادىرنا" ءتىلشىسى.
امەريكالىق مەدياماگنات، ميللياردەر، Meta كومپانياسىنىڭ نەگىزىن قالاۋشى مارك تسۋكەربەر مما جاتتىعۋى كەزىندە اۋىر جاراقات الدى.
جاعدايى تۋرالى ول ءوزىنىڭ Facebook پاراقشاسىندا ايتتى.
مارك اياعىنا وپەراتسيا جاساتقاننان كەيىنگى سۋرەتىن جاريالادى.
"سپاررينگتە ACL (رەد. - تىزەدەگى كرەست ءتارىزدى بايلانىستاردىڭ ءبىرى) جىرتىلىپ، ونى اۋىستىرۋ وپەراتسياسى جاسالدى. ماعان قامقورلىق جاساعانى ءۇشىن دارىگەرلەر مەن كومانداعا العىس ايتامىن. مەن كەلەسى جىلدىڭ باسىندا مما جەكپە - جەگىنە دايىندالىپ جۇرگەنمىن، بىراق قازىر بۇل ءسال كەشىكتىرىلدى", - دەپ جازدى كاسىپكەر ءوز جازباسىندا.
مارك تسۋكەربەرگ سونداي-اق دەنساۋلىعى جاقسارعاننان كەيىن جەكپە-جەك وتكىزۋگە نيەتتى ەكەنىن ايتتى.
