توقاەۆ ديماشقا تازى يت سىيلادى، دەپ حابارلايدى “ادىرنا” ءتىلشىسى.
بۇل تۋرالى ءانشى Instagram پاراقشاسىندا جازدى.
"دوستار، تانىسىپ قويىڭىزدار، بۇل - مەنىڭ جاڭا دوسىم. تابيعاتتىڭ بۇل عاجابىن، ياعني تازى كۇشىگىن ماعان قاسىم-جومارت كەمەلۇلى سىيلادى. @tokayev_online تازى – ءبىزدىڭ ۇلتىمىز ءۇشىن قۇندىلىق، بابادان قالعان «جەتى قازىنانىڭ» ءبىرى. قازىرگى كۇنى قازاقستاندا تازىنى ساقتاپ قالۋعا جانە حالىقارالىق دارەجەدە مويىنداۋعا باسا كوڭىل ءبولىنىپ جاتقانى قۋانتادى. سەبەبى بۇل قازاقى تۇقىم ءتان سۇلۋلىعىمەن، ۇستامدىلىعىمەن ەرەكشەلەنەدى جانە مەنىڭ بايقاۋىمشا، وتە اقىلدى كەلەدى. اتا-بابامىز تازىنى قاستەرلەپ، جاقسى كورگەن. بۇل يت كيىز ۇيگە ەركىن كىرە العان، بۇل ونىڭ تازالىعىن بىلدىرەدى.
«تازى» اتاۋى پارسى تىلىنەن ەنگەن، ماعىناسى - «شاپشاڭ»، «ەپتى».
وسىنداي باعا جەتپەس سىيلىق ءۇشىن پرەزيدەنتىمىزگە العىس ايتامىن!" - دەپ جازدى ءانشى.
بارشا جۇرتتى ونەرىمەن ءتانتى ەتكەن ءانشى ديماش قۇدايبەرگەن تازىنىڭ اتىن "عارىشكەر" دەپ اتاعانىن ايتتى.
