مەملەكەت باسشىسى قاسىم-جومارت توقاەۆ اقش پرەزيدەنتى دونالد ترامپتى تۋعان كۇنىمەن قۇتتىقتادى، دەپ حابارلايدى “ادىرنا” ۇلتتىق پورتالى.
قۇتتىقتاۋ جەدەلحاتىندا قاسىم-جومارت توقاەۆ اقش كوشباسشىسىنىڭ جاھاندىق قاۋىپسىزدىك پەن تۇراقتىلىقتى ساقتاۋ جولىنداعى بەلسەندى ءارى پراگماتيكالىق قىزمەتىنە جوعارى باعا بەردى.
سونداي-اق مەملەكەت باسشىسى دونالد ترامپتىڭ قازاقستانمەن ستراتەگيالىق سەرىكتەستىكتى نىعايتۋعا باعىتتالعان ۇستانىمىنا ريزاشىلىعىن ءبىلدىرىپ، ەكى ەل اراسىنداعى ءوزارا ءتيىمدى ىنتىماقتاستىقتى ودان ءارى دامىتۋعا مۇددەلى ەكەنىن اتاپ ءوتتى.
قاسىم-جومارت توقاەۆ دونالد ترامپقا مىقتى دەنساۋلىق پەن جاۋاپتى مەملەكەتتىك قىزمەتىنە زور تابىس تىلەدى.
ۇقساس جاڭالىقتار
