سىبايلاس جەمقورلىق سحەمالارىن تەرگەۋدىڭ ءبىر ءتۇيىنى ەكس-پرەزيدەنت نۇرسۇلتان نازارباەۆتىڭ وتباسىنا اپارادى. بۇل تۋرالى «ادىلدىك جولى» قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ ايتتى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
«ءبىز قتج تۋرالى ءسوز قوزعاعاندا ءۇش-ءتورت (نازارباەۆتار اۋلەتىنە اپاراتىن) سىبايلاس جەمقورلىق تەرگەۋى بولدى. قازىر ءبىز اكتيۆتەردى، عيماراتتاردى قايتارۋ ماسەلەسىن ءالى دە تەرگەپ جاتىرمىز. ەگەر بۇل قاڭتاردا دەيىن بولسا، مەن باتىر بولماس ەدىم، ءبىز بۇل تاقىرىپتى اينالىپ ءوتىپ، ونى ارتقى جاعىنا قوياتىن ەدىك.
ويتكەنى قتج تاقىرىپتارى، مەنىڭشە، قۇرباندارى جايدان-جاي وتپەۋى كەرەك، قانشاما ازاماتتارىمىزدان ايىرىلدىق، 30 جىل بۇرىنعى جاعدايعا قايتا ورالعىمىز كەلمەيدى، بىرەۋدىڭ ورنىن باسقالار باسىپ، كەيىپتى وزگەرتتى، بىراق جۇيە بۇرىنعىداي»، - دەدى سماعۇلوۆ YouTube جەلىسىندەگە Adam جوباسىنا بەرگەن سۇحباتىندا.
ەسكە سالايىق، بۇعان دەيىن پرەزيدەنتتەردىڭ كەڭسەسىن كورگەن. نازارباەۆ ءۇشىن جانىن شۇبەرەككە تۇيگەن اباي بيسەمباەۆ تۋرالى جازعان ەدىك.
سونداي-اق، 6 قاراشادا جۋرناليست اسەت ماتاەۆ ءوز دەرەككوزدەرىنە سىلتەمە جاساپ، قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ دۇنيە-مۇلكى ساتىلىپ جاتقانىن، ال ونىڭ اعاسى بولات نازارباەۆتىڭ ارەكەتكە قابىلەتسىز دەپ تانىلعانىن حابارلاعان بولاتىن.
