پرەزيدەنت سپورتشىلاردىڭ جان ايقايىن ەستىسە ەكەن

4088
Adyrna.kz Telegram

"ادىرنا" ۇلتتىق پورتالىنىڭ رەداكتسياسىنا نۇر-سۇلتان قالاسىنداعى №4 وليمپيادالىق رەزەرۆ سپورت مەكتەبىنىڭ ۇجىمى قولداۋ سۇراپ، حات جولداپتى. ۇجىم وكىلدەرىنىڭ ايتۋىنشا، ءتۇرلى مەكەمە تاراپىنان جىل بويى ۇزدىكسىز جۇرگىزىلگەن تەكسەرۋلەر سپورت مەكتەبىنىڭ قالىپتى جۇمىس ىستەۋىنە كەدەرگى كەلتىرىپ جاتقان كورىنەدى. وسى ماسەلەگە بايلانىستى پرەزيدەنت ق.توقاەۆقا حات جولداعان سپورت مەكتەبىنىڭ ۇجىمى ەندىگى بار ۇمىتتەرى تەك پرەزيدەنتتە ەكەنىن ايتادى. تومەندە ۇجىمنىڭ حاتىن نازارلارىڭىزعا ۇسىنىپ وتىرمىز.

قۇرمەتتى قاسىم جومارت كەمەلۇلى!

ءبىز نۇرسۇلتان قالاسىنىڭ №4 وليمپيادالىق رەزەرۆ سپورت مەكتەبىنىڭ ۇجىمى ءبىزدىڭ مەكەمەدە كوپ ۋاقىتتان بەرى بولىپ جاتقان ۇمىتسىزدىك پەن وزبىرلىقتان قۇتقارۋدى سۇراپ، وزىڭىزگە حات جولداپ وتىرمىز. ءبىزدىڭ سپورت مەكتەبىمىزگە نۇر-سۇلتان قالاسىنىڭ سپورت باسقارماسىنان تۇراقتى جىل بويى تۇراقتى نەگىزدە تەكسەرۋلەر جۇرگىزىلدى. تەكسەرۋ جۇمىستارى ەش توقتار ەمەس. قولىمىزدا بار قۇجاتتارىمىزدىڭ تالاپقا ساي ەكەنىنە قاراماستان، ءبىزدىڭ سپورت مەكتەپپەن قازىرگى كەزدە سوتتاسىپ جاتقان مەكەمە تەكسەرۋ جۇمىستارىن ۇدەتە تۇسۋدە.

وسىعان بايلانىستى سىزدەن كومەك سۇراپ جانە قالىپتاسقان جاعدايعا وبەكتيۆتى باعا الۋ ءۇشىن جۇگىنىپ وتىرمىز. ءبىزدى نۇر-سۇلتان قالاسىنىڭ سوتىندا ءىس بويىنشا جاۋاپكەر بولىپ تابىلاتىن مۇددەلى تۇلعالار تەكسەرۋدە. ءبىز بىرنەشە رەت نۇر-سۇلتان قالاسى بويىنشا سىبايلاس جەمقورلىققا قارسى قىزمەتكە لاۋازىمدى تۇلعالاردىڭ مەملەكەتتىك بيۋدجەتتى جۇمساۋ فاكتىسى بويىنشا جۇگىندىك، وسى فاكت بويىنشا اۋديتورلىق تەكسەرۋلەردىڭ قورىتىندىلارى بار، بۇل فاكت راستالدى، بىراق ءالى كۇنگە دەيىن ەشقانداي شەشىم جوق. ءتورت اي بويى ءبىزدىڭ شاعىمىمىزدى نۇر-سۇلتان قالاسى بويىنشا سىبايلاس جەمقورلىققا قارسى قىزمەت وكىلدەرى ەلەمەي وتىر. ءالى كۇنگە دەيىن شەشىم قابىلدانعان جوق. سىبايلاس جەمقورلىققا قارسى قىزمەت پەن ەكونوميكالىق تەرگەۋ قىزمەتى بۇل رەتتە ماتەريالدى ءبىر - بىرىنە يتەرىپ تاستاۋدا. سىزدەن ەل پرەزيدەنتى رەتىندە ماسەلەمىزدى شەشىپ بەرۋگە جانە مىناداي زاڭسىز ارەكەتتەرگە توسقاۋىل قويۋدى سۇراپ حات جولداپ وتىرمىز.

 

پىكىرلەر