Prezıdent sportshylardyń jan aıqaıyn estise eken

985

"Adyrna" ulttyq portalynyń redakııasyna Nur-Sultan qalasyndaǵy №4 Olımpıadalyq rezerv sport mektebiniń ujymy qoldaý surap, hat joldapty. Ujym ókilderiniń aıtýynsha, túrli mekeme tarapynan jyl boıy úzdiksiz júrgizilgen tekserýler sport mektebiniń qalypty jumys isteýine kedergi keltirip jatqan kórinedi. Osy máselege baılanysty prezıdent Q.Toqaevqa hat joldaǵan sport mektebiniń ujymy endigi bar úmitteri tek prezıdentte ekenin aıtady. Tómende ujymnyń hatyn nazarlaryńyzǵa usynyp otyrmyz.

Qurmetti Qasym Jomart Kemeluly!

Biz Nursultan qalasynyń №4 Olımpıadalyq rezerv sport mektebiniń ujymy bizdiń mekemede kóp ýaqyttan beri bolyp jatqan úmitsizdik pen ozbyrlyqtan qutqarýdy surap, ózińizge hat joldap otyrmyz. Bizdiń sport mektebimizge Nur-Sultan qalasynyń sport basqarmasynan turaqty jyl boıy turaqty negizde tekserýler júrgizildi. Tekserý jumystary esh toqtar emes. Qolymyzda bar qujattarymyzdyń talapqa saı ekenine qaramastan, bizdiń sport mekteppen qazirgi kezde sottasyp jatqan mekeme tekserý jumystaryn údete túsýde.

Osyǵan baılanysty sizden kómek surap jáne qalyptasqan jaǵdaıǵa obektıvti baǵa alý úshin júginip otyrmyz. Bizdi Nur-Sultan qalasynyń sotynda is boıynsha jaýapker bolyp tabylatyn múddeli tulǵalar tekserýde. Biz birneshe ret Nur-Sultan qalasy boıynsha Sybaılas jemqorlyqqa qarsy qyzmetke laýazymdy tulǵalardyń memlekettik bıýdjetti jumsaý faktisi boıynsha júgindik, osy fakt boıynsha aýdıtorlyq tekserýlerdiń qorytyndylary bar, bul fakt rastaldy, biraq áli kúnge deıin eshqandaı sheshim joq. Tórt aı boıy bizdiń shaǵymymyzdy Nur-Sultan qalasy boıynsha Sybaılas jemqorlyqqa qarsy qyzmet ókilderi elemeı otyr. Áli kúnge deıin sheshim qabyldanǵan joq. Sybaılas jemqorlyqqa qarsy qyzmet pen ekonomıkalyq tergeý qyzmeti bul rette materıaldy bir - birine ıterip tastaýda. Sizden el prezıdenti retinde máselemizdi sheship berýge jáne mynadaı zańsyz áreketterge tosqaýyl qoıýdy surap hat joldap otyrmyz.

 

Pikirler
Uqsas jańalyqtar