Abu-Dabide djiu-djitsudan jeŋıske jetken Hadiia Qonaeva Qazaqstan Prezidentı Qasym-Jomart Toqaevtan alǧys hat pen syilyq aldy. Sonymen qatar, oǧan 1 million teŋgelık sertifikat tabystaldy, dep habarlaidy "Adyrna" ūlttyq portaly Kazinform agenttıgıne sılteme jasap.
Ötken aida Abu-Dabide ötken älem chempionatynda 6 jastaǧy Hadiia ol 11:0 esebımen taza jeŋıske jettı. Memleket basşysynyŋ syilyǧyn qyzǧa Pavlodar oblysynyŋ äkımı Asaiyn Baihanov tabystady.
Bızdıŋ jerlesımız Qazaqstan jastarynyŋ ruhyn, talanty men maqsatqa ūmtylysyn körsettı. Mūndai maŋyzdy jeŋıster jastaiynan tabandy eŋbektıŋ nätijesı. Onyŋ jattyqtyruşysy - äkesı Samat Qonaev. Äke ülgısı balalaryn da jıgerlendırdı. Bügıngı künı olardyŋ barlyǧy sport şeberı, — dedı Pavlodar oblysynyŋ äkımı Asaiyn Baihanov.
Aimaq basşysy Qonaevtar otbasyn köptegen qazaqstandyqtar üşın ülgı retınde atap ötıp, jas chempionnyŋ altyn medalın bükıl eldıŋ maqtanyşy retınde baǧalady.
Ūqsas jaŋalyqtar
