Pavlodarda shuńqyrǵa túsip ketken avtobýsty izdeý jumystary jalǵasyp jatyr, dep habarlaıdy "Adyrna" tilshisi.
Jolaýshylardy izdeý jumystary táýlik boıy júrgizilip jatyr.
"Maıqaıyń-altyn" AQ taý-ken aýdanyndaǵy opyrylǵan jerde izdestirý jumystarynyń qarqyny týraly Pavlodar oblysynyń ákimi Asaıyn Baıhanov málimdedi.
“Keshe opyrylǵan jerdiń túbine tehnıkany túsirý úshin ótkel daıyndaý bastaldy. Bul jumystarǵa 3 ekskavator, 2 tıegish, 2 býldozer jumyldyryldy. Jumystar táýlik boıy, úzdiksiz júrgizilýde. 5 myń tekshe metrge jýyq topyraq pen taý jynystary qazylyp, shyǵaryldy”, - dep habarlady basshy.
Izdeý jumystaryna barlyǵy 134 adam, 37 birlik tehnıka, 3 kınologııalyq esep jáne 2 birlik dron jumyldyryldy.
Eske sala keteıik, 4 qańtar kúni saǵat 01:25 shamasynda Pavlodar oblysy Baıanaýyl aýdanynda, Maıqaıyń kenishiniń mańynda tórt jolaýshysy bar avtobýs shahta mańyndaǵy shuńqyrǵa qulap ketken bolatyn.
