الماتىداعى بارلاردىڭ بىرىندە وليگارحتار – باحاريدين ءابلازىموۆ پەن دىنمۇحامەت ىدىرىسوۆتىڭ ۇلدارىمەن توبەلەسكەنى ءۇشىن التى جىلعا سوتتالعان اكتەر اسقار جۇمابەك پرەزيدەنت قاسىم-جومارت توقاەۆتان ءىستى جەكە باقىلاۋىنا الۋدى ءوتىنىپ، تاعى دا اشىق حات جولدادى. اتالعان اشىق حاتتى ارىپتەسى اكتەر ەرلان قۇلمۋرزين باياندادى، دەپ حابارلايدى «ادىرنا» ۇلتتىق پورتالى.
اكتەر ەرلان قۇلمۋرزين سوتتالۋشىنىڭ جەلىدەگى پاراقشاسىندا ۆيدەو ۇندەۋ جاريالادى. وندا ول پرەزيدەنتتەن قىلمىستىق ءىس بويىنشا شىنايى جانە وبەكتيۆتى تەرگەۋ جۇرگىزۋدى سۇراعان. اسقار جۇمابەك ادۆوكاتتارىمەن بىرگە سوتتا ءىستى بەيتاراپ تەرگەي الماعانىن باسا ايتادى. سونداي-اق ول قازاق ميلليونەرلەرىنىڭ ۇلدارى – باحاريدين ءابلازىموۆ پەن دىنمۇحامەت ىدىرىسوۆتى جانە وقيعاعا قاتىسى بارلاردىڭ بارلىعىن جاۋاپقا تارتۋدى تالاپ ەتۋدى وتىنگەن.– ەندىگى ءۇمىت قالماعاندىقتان سىزگە اشىق حات جازىپ وتىرمىن. مەن قازاقستان ازاماتىمىن جانە شىنايى تەرگەۋگە تولىق قۇقىعىم بار، وكىنىشكە قاراي، مەن ونى ەشبىر جاعدايدان تاپپادىم. پروكۋراتۋرا دا، سوتتار دا، اسىرەسە، تەرگەۋ ورگاندارى دا انىق نارسەنى كورمەيدى نەمەسە كورگىسى كەلمەيدى. مەن شەتتەتىلگەن نەمەسە سىبايلاس جەمقورلىقتىڭ تاعى ءبىر ماشيناسىنا بەرىلگەن باسقا ادام سياقتىمىن. مەن ادال جانە زاڭعا باعىناتىن اداممىن. قۇرمەتتى پرەزيدەنت، سىزدەن سۇرايتىنىم – مەنىڭ ءىسىم مەن تاعدىرىمدى جەكە باقىلاۋىڭىزعا الىڭىز»، – دەپ اسقار حاتىندا جازعان.مەملەكەت باسشىسىنا ارناعان ۇندەۋىندە ول ءوزىنىڭ كىناسى جوق ەكەنىن ايتىپ، قوعامدىق ءتارتىپتى بۇزۋشىلار وليگارحتاردىڭ بالالارى ەكەنىن جەتكىزگەن.
– مەن جاس ازاماتپىن، شىعارماشىلىق ادامىمىن، مەنى ءارتىس رەتىندە تانيدى. مەن ۇيلەنبەگەنمىن، تاعدىرىمدى ەندى عانا باستادىم. قۇرمەتتى پرەزيدەنت، مەن ءسىزدىڭ ۋاقىتىڭىز از ەكەنىن تۇسىنەمىن، بىراق ءسىز ەلىمىزدىڭ ءاربىر ازاماتى ءۇشىن الاڭدايتىنىڭىزدى بىلەمىن. بۇل حاتتى جازۋدا مەن وبەكتيۆتىلىكتەن ۇمىتتەنەمىن. سونداي-اق مۇنداعى تەرگەۋ يزولياتورىندا مەنىڭ وتىنىشىمنەن ءۇمىت كۇتكەن تاعدىرلار ءالى دە كوپ. مەن ادىلدىككە سەنەمىن جانە كەز كەلگەن قازاقستاندىق سياقتى جارقىن بولاشاقتى ارماندايمىن. مەنىڭ ءىسىمدى قوسىمشا تەرگەۋگە قايتارۋدى جانە وبەكتيۆتى تۇردە قاراۋدى سۇرايمىن»، - دەلىنگەن حاتتا.كۋاگەرلەر اكتەردىڭ كىناسىزدىگىن العا تارتىپ وتىر. ەسكە سالايىق، اسقار جۇمابەك 2022 جىلدىڭ سوڭىندا الماتىدا مەيرامحانالاردىڭ بىرىندە وليگارحتاردىڭ ۇلدارىمەن توبەلەستى دەپ ايىپتالعان بولاتىن. ناتيجەسىندە، اسقار جۇمابەك سوت زالىنان قاماۋعا الىنىپ، 6 جىل 6 ايعا سوتتالعان ەدى. بۇعان دەيىن اكتەر ۇكىم الدىندا پرەزيدەنت توقاەۆقا ۆيدەوۇندەۋ جولداپ، اراشا سۇراعان ەدى.
View this post on Instagram
«ادىرنا» ۇلتتىق پورتالى
