Almatydaǧy barlardyŋ bırınde oligarhtar – Baharidin Äbläzımov pen Dınmūhamet Ydyrysovtyŋ ūldarymen töbeleskenı üşın alty jylǧa sottalǧan akter Asqar Jūmabek prezident Qasym-Jomart Toqaevtan ıstı jeke baqylauyna aludy ötınıp, taǧy da aşyq hat joldady. Atalǧan aşyq hatty ärıptesı akter Erlan Qūlmurzin baiandady, dep habarlaidy «Adyrna» ūlttyq portaly.
Akter Erlan Qūlmurzin sottaluşynyŋ jelıdegı paraqşasynda video ündeu jariialady. Onda ol prezidentten qylmystyq ıs boiynşa şynaiy jäne obektivtı tergeu jürgızudı sūraǧan. Asqar Jūmabek advokattarymen bırge sotta ıstı beitarap tergei almaǧanyn basa aitady. Sondai-aq ol qazaq millionerlerınıŋ ūldary – Baharidin Äbläzımov pen Dınmūhamet Ydyrysovty jäne oqiǧaǧa qatysy barlardyŋ barlyǧyn jauapqa tartudy talap etudı ötıngen.– Endıgı ümıt qalmaǧandyqtan Sızge aşyq hat jazyp otyrmyn. Men Qazaqstan azamatymyn jäne şynaiy tergeuge tolyq qūqyǧym bar, ökınışke qarai, men ony eşbır jaǧdaidan tappadym. Prokuratura da, sottar da, äsırese, tergeu organdary da anyq närsenı körmeidı nemese körgısı kelmeidı. Men şettetılgen nemese sybailas jemqorlyqtyŋ taǧy bır maşinasyna berılgen basqa adam siiaqtymyn. Men adal jäne zaŋǧa baǧynatyn adammyn. Qūrmettı Prezident, sızden sūraitynym – menıŋ ısım men taǧdyrymdy jeke baqylauyŋyzǧa alyŋyz», – dep Asqar hatynda jazǧan.Memleket basşysyna arnaǧan ündeuınde ol özınıŋ kınäsı joq ekenın aityp, qoǧamdyq tärtıptı būzuşylar oligarhtardyŋ balalary ekenın jetkızgen.
– Men jas azamatpyn, şyǧarmaşylyq adamymyn, menı ärtıs retınde tanidy. Men üilenbegenmın, taǧdyrymdy endı ǧana bastadym. Qūrmettı Prezident, men sızdıŋ uaqytyŋyz az ekenın tüsınemın, bıraq sız elımızdıŋ ärbır azamaty üşın alaŋdaitynyŋyzdy bılemın. Būl hatty jazuda men obektivtılıkten ümıttenemın. Sondai-aq mūndaǧy tergeu izoliatorynda menıŋ ötınışımnen ümıt kütken taǧdyrlar älı de köp. Men ädıldıkke senemın jäne kez kelgen qazaqstandyq siiaqty jarqyn bolaşaqty armandaimyn. Menıŋ ısımdı qosymşa tergeuge qaitarudy jäne obektivtı türde qaraudy sūraimyn», - delıngen hatta.Kuägerler akterdıŋ kınäsızdıgın alǧa tartyp otyr. Eske salaiyq, Asqar Jūmabek 2022 jyldyŋ soŋynda Almatyda meiramhanalardyŋ bırınde oligarhtardyŋ ūldarymen töbelestı dep aiyptalǧan bolatyn. Nätijesınde, Asqar Jūmabek sot zalynan qamauǧa alynyp, 6 jyl 6 aiǧa sottalǧan edı. Būǧan deiın akter ükım aldynda prezident Toqaevqa videoündeu joldap, araşa sūraǧan edı.
View this post on Instagram
«Adyrna» ūlttyq portaly
