كەلەسى جىلى سامبودان الەم چەمپيوناتى قازاقستاندا وتەدى، دەپ حابارلايدى “ادىرنا” ءتىلشىسى Kazinform-عا سىلتەپ.
بۇل شەشىمدى حالىقارالىق سامبو فەدەراتسياسى قابىلدادى.
ەلىمىز بۇعان دەيىن دۇنيەجۇزىلىك دودانى 2005 جىلى قابىلداعان ەدى. ول جولى قازاقستاندىق بالۋاندار 1 التىن، 3 كۇمىس، 8 قولا جۇلدەگە يە بولعان.
ەلدىڭ بالۋاندارى 1992 جىلدان بەرى الەم چەمپيوناتىنا ۇزدىكسىز قاتىسىپ كەلەدى. بۇگىنگە دەيىن 26 مارتە بيىك تۇعىردان كورىنگەن.