الەۋمەتتىك جەلىلەر مەن كەيبىر باق بەتتەرى لۋۆردا تۇرعان بارسباي سۇلتاننىڭ دۋلىعاسىن بەيبارىستىڭ مۇلكىنە تەڭەدى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەر مەن كەيبىر باق بەتتەرىندە پاريجدەگى لۋۆر مۇراجايىنان بەيبارىس سۇلتاننىڭ دۋلىعاسى تابىلدى دەگەن اقپارات تاراعان بولاتىن.
تhe_kazakh_state_on_old_maps Instagram-پاراقشاسى مۇنداي مالىمەتتى عالىم، پروفەسسور، ساياساتتانۋ عىلىمىنىڭ دوكتورى مۇحيت-ارداگەر سىدىقنازاروۆقا سىلتەمە جاساپ، بولىسكەن.
"دۋلىعانى تۇركىستاننان ءحىح عاسىردا وتارشىل اسكەرلەر الىپ كەتكەن، كەيىن ول فرانتسۋز كوللەكتسيونەرلەرىنە ساتىلعان. بۇل جاڭالىقتى بەلگىلى عالىم، پروفەسسور، ساياساتتانۋ عىلىمىنىڭ دوكتورى مۇحيت-ارداگەر سىدىقنازاروۆ ءبولىستى", - دەلىنگەن پاراقشادا.
دەگەنمەن، لۋۆر مۇراجايىنىڭ رەسمي سايتىندا بۇل دۋلىعا ون بەسىنشى عاسىردىڭ باسىندا ءومىر ءسۇردى دەگەن بارسباي سۇلتاندىكى دەپ كورسەتىلگەن.
قۇجاتتا دۋلىعانىڭ تاياۋ شىعىستان، مىسىردان اپارىلعانى جازىلعان.
ال جەلىدە وسى جادىگەردىڭ مۇراجايداعى ۆيترينادا تۇرعان سۋرەتى "بەيبارىستىڭ دۋلىعاسى" دەپ تاراتىلىپ جاتىر.
بىراق ون ءۇشىنشى عاسىردا ءومىر سۇرگەن بەيبارىس سۇلتان مەن ون بەسىنشى عاسىردىڭ سۇلتانى بارسبايدىڭ اراسىندا بايلانىس جوق ەكەنىن ەشكىم اڭعارماسا كەرەك. وعان ەشكىم تۇسىنىك بەرمەگەن.
