فوتو: Egemen Qazaqstan
شىمكەنت اۋەجايىندا وزبەكستاننىڭ ەكى ازاماتى تۇركياعا ءىرى كولەمدە التىن الىپ وتپەك بولعان جەرىنەن ۇستالدى. بۇل تۋرالى باس كولىك پروكۋراتۋراسى مالىمدەدى، دەپ حابارلايدى “ادىرنا”.
اقپاراتقا سايكەس، ولار كەدەندىك باقىلاۋدان جاسىرىن تۇردە جالپى سالماعى 2,8 كەلىگە جۋىق التىن وتكىزبەك بولعان. باعالى مەتالدىڭ قۇنى 227,8 ميلليون تەڭگەگە باعالانادى.
تەكسەرۋ بارىسىندا التىن بۇيىمدارىنىڭ بولشەكتەرى شابادانداردىڭ تۇبىنە جانە جۇك قاپتامالارىنىڭ ىشىنە جاسىرىلعانى انىقتالدى.
قازىرگى ۋاقىتتا التىن سوت ۇكىمى شىققانعا دەيىن مەملەكەت پايداسىنا تاركىلەنگەن. ال كۇدىكتىلەرگە حالىقارالىق ىزدەۋ جاريالانىپ، ءىس بويىنشا سوتقا دەيىنگى تەرگەۋ امالدارى جالعاسىپ جاتىر.
ۇقساس جاڭالىقتار
