16 اقپاندا الماتى اۋەجايىنان بەس رەيس توقتاتىلىپ، 60-ى كەيىنگە قالدى، دەپ حابارلايدى “ادىرنا” ۇلتتىق پورتالى.
ازاماتتىق اۆياتسيا كوميتەتىنىڭ مالىمەتىنشە، قازىر اۋەجاي تەرمينالىندا 750-گە جۋىق جولاۋشى ءوز رەيستەرىن كۇتىپ وتىر.
“قازىرگى ۋاقىتتا الماتى اەرودرومىنىڭ اۋماعىنداعى اۋا رايى: جەل 4 م/س، كورۋ قاشىقتىعى 10 كم، تۇمان، اۋا تەمپەراتۋراسى -17. قازىرگى ۋاقىتتا اۋا رايى جاعدايىنا جانە جاۋىن-شاشىنعا بايلانىستى (قاتتى قار جاۋىپ، تۇمان) اۋەجايدا ۇشۋ-قونۋ جولاعى مەن پەرروندى تازالاۋ جۇمىستارى جۇرگىزىلۋدە”، - دەلىنگەن حابارلامادا.
ازاماتتىق اۆياتسيا كوميتەتى رەيستەردىڭ كەشىگۋى جولاۋشىلاردىڭ قاۋىپسىزدىگىن قامتاماسىز ەتۋ سەبەبىنەن بولىپ جاتقانىن اتاپ ءوتتى.
"اۋا-رايى جاقسارعان سايىن رەيستەردىڭ كەشىگۋىنە قاتىستى جاعداي تۇراقتالۋدا. اۋەجاي باسشىلىعى جۇمىلدىرىلىپ، اۆياكومپانيا وكىلدەرى جولاۋشىلاردى بارلىق قاجەتتى اقپاراتپەن قامتاماسىز ەتۋدە", - دەپ حابارلاندى.
ايتا كەتەيىك، 17 اقپانداعى ساعات 02:00-گە دەيىن جەلدىڭ ەكپىنى 8 م/س، كورىنۋ 800 م، نوسەرلى قار، قالىڭ تۇمان. ال ساعات 10:00-دەن باستاپ جەلدىڭ ەكپىنى 3 م/س جەتەدى، كورىنۋ 3 100 م، جاۋىن-شاشىن بولجانبايدى، تەمپەراتۋرا -15.
“ادىرنا” ۇلتتىق پورتالى
