ەل ەرتەڭى – ءبىلىمدى جاستاردىڭ قولىندا. قازاق حالقىنىڭ: «بىلەكتى ءبىردى جەڭەدى، ءبىلىمدى مىڭدى جەڭەدى» دەگەن ناقىل ءسوزى بار. راسىندا دا، ءبىلىم بارىنەن بيىك ءارى ارتىق.
ححI عاسىردا بiلiمiن دامىتا الماعان ەل ناعىز تىعىرىققا تiرەلىپ، كەمەلدەنۋدەن قۇر قالادى. سول سەبەپتى دە ەلiمiزدەگi بiلiم بەرۋ سالاسىن قولعا الىپ، ونى ودان ءارi دامىتۋ ستراتەگياسىنىڭ باستى باعىتى دا ىسكە اسۋدا.
دەگەنمەن، جاسىراتىنى جوق، كەيبىر جاستار ءۇشىن «ءدىني ءراسىمنىڭ» ورىندالۋى بىلىمنەن دە اسا ماڭىزدى بولىپ بارادى. مەكتەپتە ءبىلىم الۋشىلاردىڭ كەيبىرى ءار جۇما سايىن مەكتەپكە بارۋدان باس تارتىپ، مەشىتكە اسىعاتىنى ءجيى بايقالادى. اتا-انالار مەن ءبىلىم وردالارىنىڭ باسشىلارى تاراپىنان ءتۇسىندىرۋ جۇمىستارى جۇرگىزىلگەنىمەن ماسەلە ءالى دە ساپ تيىلماعان.
بۇگىنگى جاستار – ەلدىڭ ەرتەڭى بولعاندىقتان ۇرپاق تاربيەلەۋدە قاتەلىككە ۇرىنۋعا بولمايدى. كەلەشەگى كەمەل ەلدىڭ بۇگىنگى ۇرپاعى سانالى دا، ءبىلىمدى بولۋى شارت.
وسى تۇستا ۋنيۆەرسيتەت قابىرعاسىندا ساباق بەرىپ، جاس ماماندى تاربيەلەپ، عىلىم مەن ءبىلىمدى جانىنا سەرىك ەتكەن ۇستاز شەرمات ەرالىۇلى دا ەلدىڭ ەرتەڭىنە الاڭداۋلى.
- جاستاردىڭ ءبىلىم مەن عىلىمعا قىزىعۋشىلىعى قانداي؟
- وكىنىشكە وراي، بۇگىنگى تاڭدا قازاقستاندا عىلىمدى تاڭدايتىندار وتە سيرەك. ەگەر ءبىز عىلىم مەن بىلىمگە كوبىرەك كوڭىل اۋدارساق وركەنيەت تە داميتىن ەدى.
- جاستار اراسىندا عىلىم مەن بىلىمگە بەت بۇرعاندارعا قاراعاندا ءدىندى سەرىك ەتكەندەر كوپ پە؟
- ءيا، سولاي. عىلىم مەن بىلىمگە قاراعاندا دىنگە ەرەكشە دەن قويعاندار جانە سول ارقىلى ءبىلىم الۋدان االشاقتايتىندار كوپ.
- قازىر جاستار اراسىندا ءدىن جولىن ۇستانۋ، ءدىندى بىلىمنەن دە ارتىق قويۋ ارەكەتتەرى بايقالادى. بۇل جاعدايدى قالاي وزگەرتۋگە مۇمكىندىك بار؟ پەداگوگ رەتىندە نە ايتاسىز؟
- جالپى بىزدە عىلىم مەن ءبىلىم جۇيەسىن بۇدان ءارى جەتىلدىرۋ كەرەك. ماماندار كوپ سالادان ءبىلىمى بولۋى كەرەك دەپ ەسەپتەيمىن. سەبەبى ستۋدەنتتىڭ ساباققا قىزىعۋشىلىعى بولۋى نە بولماۋى تىكەلەي پەداگوگيكالىق شەبەرلىككە بايلانىستى. ەگەر دۇرىس جول سىلتەپ، ونىڭ بىلىمگە دەگەن قىزىعۋشىلىعىن ارتتىرا الساق ءبىزدىڭ دامۋىمىز دا ەسەلەنەر ەدى.
قازاقستاننىڭ باسەكەگە قابiلەتتi ەلدەر قاتارىنا قوسىلۋىندا جاستاردىڭ وي-ساناسى، قابىلەتى اسا ماڭىزدى. ونى تاربيەلەيتىن – ۇستاز. بۇگىندە ءار بەرگەن ءبىلىمى ارقىلى ەلدىڭ ەرتەڭى ءدال ءبىلىمدى ازاماتتاردىڭ قولىندا ەكەنىن ۇعىندىرۋعا تىرىساتىن مامانداردىڭ ارقاسىندا بولاشاق جارقىن بولماق.
ەلىمىزدىڭ زايىرلى مەملەكەت ەكەندىگىن ەسكەرە وتىرىپ، قابىلداعان اتا زاڭعا باعىنۋعا ءتيىسپىز. وعان سايكەس، ءاربىر ءبىلىم الۋشى وقۋ ورنىنىڭ زاڭىنا باعىنىپ، بiرiنشi كەزەكتە مەملەكەتتiك باعدارلاما بويىنشا ساپالى بiلiم الۋى مىندەتتى. سەبەبى ءبىلىمدى، ساۋاتى ارتقان قوعامنىڭ جاستارى ءتىلى مەن ءدىنىن، ۇلتتىق بولمىسىن ساقتاي الادى. ەلدىڭ بولاشاعىن دامىتاتىن عىلىم مەن ءبىلىم ەكەنىن ءاردايىم ەستە ۇستاپ، ۇمىتپاعان ابزال.
سىمبات ناۋحان
«ادىرنا» ۇلتتىق پورتالى
