مەملەكەت باسشىسى قاسىم-جومارت توقاەۆ «بالالارعا ارنالعان ۇلتتىق قور» جوباسىنا قول قويدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، «بالالارعا ارنالعان ۇلتتىق قور» جوباسى بويىنشا العاشقى تولەمدەر 2024 جىلدىڭ 1 اقپانىنان باستاپ بالالاردىڭ ەسەپشوتىنا تۇسەدى. 1 قاڭتاردان باستاپ 18 جاسقا دەيىنگى بارلىق قازاقستاندىقتار ءۇشىن جيناق شوت اشىلادى. ۇلتتىق قوردىڭ ينۆەستيتسيالىق كىرىسىنىڭ 50 پايىزى جىل سايىن وسى شوتتارعا اۋدارىلادى.
سونداي-اق، بالا 18 جاسقا تولعاننان كەيىن شوتتاعى قاراجات 10 جىل بويى ساقتالادى. ەگەر ازامات وسى ۋاقىت ىشىندە ولاردى پايدالانباسا، قاراجات ونىڭ زەينەتاقى شوتىنا اۋدارىلادى. ول جينالعان اقشاعا ءبىلىم الۋعا، باسپانا ساتىپ الۋعا قۇقىلى.
قارجى مينيسترلىگىنىڭ ەسەبى بويىنشا، 18 جىلدا بالانىڭ شوتىنا 3500 دوللار جينالادى. ءبىر جىلدا شوتقا ورتاشا سومادا 150-160 دوللاردى تۇسەدى.
ۇلتتىق قوردان ينفراقۇرىلىمدىق جوبالار نەعۇرلىم كوپ قارجىلاندىرىلسا، بالالارعا ارنالعان قورعا سوعۇرلىم از قاراجات بەرىلەدى.
