جەزقازعانداعى N2 وڭدەۋ زاۋىتىندا 43 جاستاعى قىزمەتكەر ايەلدى مەحانيزم قىسىپ قالىپ، مەرت بولدى، دەپ حابارلايدى "ادىرنا" ۇلتتىق پورتالى قازاقمىس ءباسپاسوز قىزمەتىنە سىلتەمە جاساپ.
«قازاقمىس» كومپانياسىنىڭ باسشىلىعى مەن ەڭبەك ۇجىمى مارقۇمنىڭ وتباسى مەن جاقىندارىنا كوڭىل ايتتى.
«2023 جىلدىڭ 22 قاراشاسىندا جەزقازعانداعى №2 وڭدەۋ زاۋىتىندا ورىن العان اپات تۋرالى وكىنىشپەن حابارلايمىز. ماشينيست جان تۇرشىگەرلىك جاراقات الدى. جەدەل جاردەم ونىڭ قايتىس بولعانىن حابارلادى».
دەپ جازدى كومپانيانىڭ ءباسپاسوز قىزمەتى.
سونداي-اق بۇگىن ارنايى كوميسسيانىڭ اپاتتىڭ ءمان-جايى مەن سەبەپتەرىن انىقتاپ جاتقانى حابارلاندى.
بۇل جەزقازعانداعى «قازاقمىستا» ورىن العان ءبىرىنشى قازالى وقيعا ەمەس. بۇعان دەيىن N57 شاحتاسىندا جۇمىسشى قازا تاپقان بولاتىن.
