سولتۇستىك قازاقستاندا ءجاسوسپىرىم بالا 51 جاستاعى ەر ادامدى پىشاقتاپ كەتكەن. كەيىن ەر ادام اۋرۋحاناعا جاتقىزىلدى، دەپ حابارلايدى "ادىرنا" پورتالى سولتۇستىك قازاقستان وبلىسىنىڭ پوليتسيا دەپارتامەنتىنە سىلتەمە جاساپ.
پوليتسەيلەردىڭ ايتۋىنشا، وقيعا 21 قاراشا كۇنى كەشكى ۋاقىتتا بولعان.
«بۇل فاكت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە 3-ءبولىم بويىنشا تىركەلگەن. قك-ءنىڭ 293-بابى «بۇزاقىلىق»بابى بويىنشا جەدەل ىزدەستىرۋ ءىس-شارالارى بارىسىندا پەتروپاۆل قالالىق ءىىب قىزمەتكەرلەرى وبلىس ورتالىعىنىڭ 20 جانە 17 جاستاعى ءۇش تۇرعىنىن انىقتاپ، ۇستادى»، - دەلىنگەن حابارلامادا.
جابىرلەنۋشىنى بۇرىن ءتۇرلى قۇقىق بۇزۋشىلىقتار ءۇشىن بىرنەشە رەت قىلمىستىق جانە اكىمشىلىك جاۋاپكەرشىلىككە تارتىلعان 17 جاستاعى ءجاسوسپىرىم پىشاقتاپ كەتكەنى بۇرىن انىقتالعان. ءبىر ايعا جەتپەي پەتروپاۆلداعى وبلىستىق كوپسالالى بالالار اۋرۋحاناسىندا دارىگەردى بوپسالاپ، تاپانشامەن قورقىتقان. سودان كەيىن بۇزاقى قايتا ۇستالدى. سوتقا دەيىن ونىڭ قالاي بوستاندىققا شىققانى بەلگىسىز. قازىر وعان تاعى دا الدىن الۋ شاراسى تاعايىندالدى.
سونداي-اق دەپارتامەنت بۇگىندە ۇستالعاندارعا قاتىستى بۇلتارتپاۋ شاراسى جۇرگىزىلىپ جاتقانىن قوستى.
