قىتاي بيلىگى ەلىنىڭ سولتۇستىگىندەگى نينسيا اۆتونوميالىق اۋدانى مەن گانسۋ پروۆينتسياسىندا جۇزدەگەن مەشىتتى جاپتى، بۇل تۋرالى Human Rights Watch (HRW) قۇقىق قورعاۋ ۇيىمىنىڭ جاڭا ەسەبىندە ايتىلدى، دەپ حابارلايدى “ادىرنا” ۇلتتىق پورتالى.
قىتاي ۇكىمەتىنىڭ مەشىتتەردى جابۋى، قيراتۋى جانە ماقساتىن وزگەرتۋى - قىتايداعى يسلام تاجىريبەسىن شەكتەۋگە باعىتتالعان جۇيەلى ارەكەتتىڭ ءبىر بولىگى، - دەدى Human Rights Watch ۇيىمىنىڭ قىتاي ىستەرى جونىندەگى ديرەكتورىنىڭ مىندەتىن اتقارۋشى مايا ۆونگ.
ايتا كەتەيىك، بۇل ايماق مۇسىلماندار سانى بويىنشا شىڭجاڭ پروۆينتسياسىنان كەيىن ەكىنشى ورىندا تۇرادى. قىتايدا بارلىعى 20 ميلليونعا جۋىق مۇسىلمان تۇرادى.
