باس پروكۋراتۋرا اقجارقىن تۇرلىبايعا قاتىستى تەرگەۋدىڭ قالاي ءجۇرىپ جاتقانىن ايتتى، دەپ حابارلايدى «ادىرنا» ءتىلشىسى.
باسقارما پوليتسەيلەردىڭ كونتراباندانى ۇيىمداستىرۋشى دەگەن بولجامدى نيگەريالىق ازاماتقا قاتىستى ءىستى تەرگەپ جاتقانىن مالىمدەدى. ونىڭ نيگەريادا قاماۋعا الىنعانىنا ءبىر جارىم جىلداي ۋاقىت وتكەن. الايدا كۇدىكتى ءالى قازاقستانعا ەكستراديتسيالانباعان. قازىرگى ۋاقىتتا نيگەريالىق تاراپ وسى ماسەلە بويىنشا ءوتىنىشتى قاراپ جاتىر.
«نيگەريا ازاماتى اديندۋ نونسو فورتۋن قىلمىستىق كودەكستىڭ 297-بابى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا تەرگەلىپ جاتىر، سول سەبەپتى ءىس وتە اۋقىمدى»،—دەلىنگەن حابارلامادا.باس پروكۋراتۋرا ديپلوماتيالىق ارنالار ارقىلى كۇدىكتىنى ەكستراديتسيالاۋ تۋرالى ءوتىنىش نيگەريانىڭ قۇزىرلى ورگاندارىنا جىبەرىلگەنىن مالىمدەدى. ەسكە سالايىق، بىلتىر ماۋسىمدا قازاقستانداعى ەسىرتكى كونترابانداسىمەن اينالىستى دەپ كۇدىككە ىلىنگەن اديندو نونسو فورتۋن نيگەريادا ۇستالعان بولاتىن.
