جۇزەگە اسىرىلۋى 2021-2025 جىلدارعا جوسپارلانعان «ءبىلىمدى ۇلت، ساپالى» ساپالى ءبىلىم بەرۋ» ۇلتتىق جوباسى بۇرىنعى قازاقستان رەسپۋبليكاسى وقۋ-اعارتۋ ءمينيسترى اسحات ايماعامبەتوۆتىڭ باسشىلىعى تۇسىندا قولعا الىنعان بولاتىن.
ۇلتتىق جوبا جالپى 4 نەگىزگى باعىت، 5 مىندەت، 15 كورسەتكىش ءھام 26 ءىس-شارانى قامتيدى. بۇل ۇلتتىق جوبا ءبىلىم بەرۋدى دامىتۋ تۇجىرىمداسىمىنىڭ اياسىندا ازىرلەندى. جوبانى جۇزەگە اسىرۋ ارقىلى اۋىل مەكتەپتەرىنە، ونىڭ ىشىندە تولىق جيناقتالعان، تولىققاندى كەشەندى سانالاتىن ءبىلىم وشاقتارىندا جان باسىنا قارجىلاندىرۋ بىرتە-بىرتە ىسكە قوسىلادى، پەداگوگتەردىڭ دە ەڭبەكاقىسى ۋاقىت كوشىمەن ىلەسە ۇستەمەلەنە وتىرىپ كوبەيۋدە.
پرەزيدەنت قاسىم-جومارت توقاەۆتىڭ تاپسىرماسىنا سايكەس، مەملەكەتتىك باعدارلامالاردان ۇلتتىق جوباعا كوشە وتىرىپ، ءبىلىم ساپاسىنا وڭ وزگەرىس اكەلۋدى كوزدەيتىن مۇنداي تەتىكتەردىڭ قالىپتاسۋى وتە ورىندى. ۇلتتىق جوبانى جۇزەگە اسىرۋدا ۇلىتاۋ وبلىسىنىڭ ءبىلىم وشاقتارى دا ءوز ۇلەستەرىن قوسۋدا.
«ءبىلىمدى ۇلت، ساپالى» ساپالى ءبىلىم بەرۋ» جوباسىنىڭ تيىمدىلىگى تۋرالى ۇلىتاۋ وبلىسىنداعى ءبىلىم وشاقتارى باسشىلارىنىڭ پىكىرىن بىلگەن بولاتىنبىز.
داستان باعداتۇلى وسپانوۆ، ۇلىتاۋ وبلىسى، ساتباەۆ قالاسىنداعى №7 جالپى ورتا ءبىلىم بەرەتىن ورتا مەكتەپتىڭ ديرەكتورى:
– «ءبىلىمدى ۇل» ساپالى ءبىلىم بەرۋ» ۇلتتىق جوسپارىندا ەرەكشە ءبىلىم بەرۋدى قاجەت ەتەتىن بالالاردى دامىتۋدىڭ دا تەتىكتەرى قاراستىرىلعان. مەكتەبىمىزدە ەرەكشە ءبىلىم بەرۋدى قاجەت ەتەتىن بالالاردى قوعامعا الەۋمەتتەندىرۋ جۇمىستارى، تۇزەتۋ جانە وقۋ-تاربيە جۇمىستارىن ۇيىمداستىرۋ جاقسى جولعا قويىلعان. ولارعا پسيحولوگيالىق-پەداگوگيكالىق قولداۋ جانە ونىڭ جەكە تاسىلدەرى سارالانىپ، بالانىڭ قىزىعۋشىلىعىنا باسىمدىلىق بەرەتىن ىزگىلىك قاعيداسى باسشىلىققا الىنعان. ولاردى تابىستى وقىتۋ، تاربيەلەۋ جانە الەۋمەتتىك بەيىمدەۋ ماقساتىندا مەكتەپىشىلىك «ءبىز بىرگەمىز» جوباسى باستاۋ الدى.
بۇل جوبا – پەداگوگتاردىڭ وزىندىك ءىس-ارەكەتتەرىن تالداۋعا، جاڭا يدەيالاردى جۇزەگە اسىرۋدا سەنىىمدىلىك پەن العا ۇمتىلۋعا سەپتىگىن تيگىزەدى. جالپى ءبىلىم بەرەتىن ورتادا وقۋشىنى تابىسقا جەتەلەۋ ءۇشىن مۇعالىم – ۋاقىتتى ۇتىمدى پايدالانا الاتىن، مىندەتتەردى ناقتى انىقتاي بىلەتىن، كەز-كەلگەن ماسەلەنى شەشۋدىڭ وڭتايلى جولدارىن تەز تاباتىن، قوعامعا قىزمەت ەتەتىن جانە وسىعان تولىق جاۋاپكەرشىلىكپەن قارايتىن كوشباسشى بولۋى كەرەك.
پەداگوگ – ەڭ الدىمەن، بۇكىل وقۋ پروتسەسىنىڭ موتيۆاتورى، ول وقۋشىلارعا جاڭا اقپاراتتى ىزدەۋدە باعىت-باعدار بەرۋمەن قوسا، ونى قابىلداۋ، وڭدەۋ جانە يگەرۋ داعدىلارىن قالىپتاستىرا ءبىلۋى قاجەت. سوندىقتان، ءبىلىم بەرۋ ساپاسىن ارتتىرىپ، تاجىريبەسى وزىق ەلدەردىڭ دەڭگەيىمەن تەڭەستىرۋ – ءبىزدىڭ باستى مىندەت.
اسەم داۋلەتبايقىزى الپىسوۆا، ۇلىتاۋ وبلىسى، سءاتباەۆ قالاسىنداعى №27 جالپى ءبىلىم بەرەتىن ورتا مەكتەپتىڭ ديرەكتورى:
– بىرنەشە باعىتتى قامتىعان «ءبىلىمدى ۇلت» ساپالى ءبىلىم بەرۋ» جوباسىنىڭ ءتيىمدى تۇسى جەرگىلىكتى مەكتەپتەردە ءۇش اۋىسىمدى ءبىلىم بەرۋ جۇيەسىن تۇبەگەيلى جويىپ، ورىن تاپشىلىعىن ازايتۋعا ۇلەس قوسۋدا. بۇرىندارى 1500 بالاعا ارنالعان مەكتەپتەردە 2500-3000 مىڭعا جۋىق بالا وقيتىن. قازىر سالىستىرمالى ءتۇردە الىپ قاراساق، بۇل كورسەتكىش ەداۋىر تومەندەدى.
نەعۇرلىم سىنىپتا بالا تىعىز بولسا، ءبىلىم مەڭگەرتۋدىڭ دە سونشالىق قيىن بولاتىنى بۇل جوبادا ەسكەرىلگەن. وسى جوبا شەڭبەرىندە قولعا الىنعان باستامانىڭ ءبىرى – «مۇعالىم مارتەبەسى» تۋرالى زاڭ. بۇرىندارى ارتىق جۇكتەمەدەن، قاعازباستىلىقتان ارىلا الماعان مۇعالىمدەردىڭ پان بويىنشا ىزدەنۋگە، جاڭا ادىسپەن ساباق مەڭگەرتۋگە مۇمكىندىگى از بولاتىن. قوسىمشا جۇمىستار البەتتە مۇعالىمنىڭ ىزدەنىسىنە كەدەرگى جاسايتىن. ءبىز بۇل ولقىلىقتان دا بىرتە- بىرتە ارىلىپ كەلەمىز.
«مۇعالىم – مەكتەپتىڭ جۇرەگى» دەسەك، مىڭداعان بالاعا ءبىلىم ءنارىن سەپكەن سول ۇلاعاتتى جانداردىڭ جالاقىسىن ۇستەمەلەي كوتەرۋ دە ۇستازدار قاۋىمىنىڭ ىنتاسىن وياتۋدا.
مەكتەبىمىزدەگى سىنىپتار قازىرگى تاڭدا پاندەر بويىنشا ارنايى جابدىقتالعان. بىلىم الامىن، عىلىمعا ۇمتىلامىن، ۇلتتىق ءتىلىمىزدى مەڭگەرىپ، ىزدەنەمىن دەگەن وقۋشىلارعا بارىنشا كوڭىل ءبولىنىپ وتىر. ءبىر سوزبەن ايتقاندا، «ءبىلىمدى ۇلت» ساپالى ءبىلىم بەرۋ» جوباسىنىڭ 2025 جىلعا دەيىنگى كوزدەگەن مەجەسى تولىق جۇزەگە اسار بولسا، قازاقستاننىڭ ءبىلىم سالاسى وركەنيەتتى ەلدەردىڭ ءبىلىم دەڭگەيىنە جەتەرى ءسوزسىز.
ءبىلىمدى ۇرپاق - بولاشاعىمىز. ۇلىتاۋ وبلىسىندا 2023-2025 جىلدار ارالىعىندا "جايلى مەكتەپ" ۇلتتىق جوباسى شەڭبەرىندە ءبىر اۋىسىمدا 3600 وقۋشى ورنىن قامتيتىن 6 مەكتەپ سالىنادى دەپ جوسپارلانۋدا. ونىڭ ۇشەۋى قالالىق جەردە، ۇشەۋى اۋىلدىق ەلدى مەكەندەردە سالىنادى.
ۇلتتىق جوبا شەڭبەرىندە جوسپارلانىپ وتىرعان مەكتەپتەر ءبىلىم الۋشىلارعا جايلى، قاۋىپسىز بولاتىنداي بىرىڭعاي ستاندارتپەن سالىنادى. سونىمەن قاتار، بۇل مەكتەپتەردىڭ وقۋ-تاربيە ۇردىسىنە قاجەتتى جابدىقتارى، پاندىك كابينەتتەرى، تەحنيكالىق قۇرىلعىلارى مەن جيھازدارى دا تولىعىمەن بەلگىلەنگەن قاراجات ارقىلى جابدىقتالادى.
"جايلى مەكتەپ" ۇلتتىق جوباسىنىڭ شەڭبەرىندە اشىلاتىن مەكتەپتەرگە ديرەكتورلاردى بەكىتۋگە دە ەرەكشە تالاپ قويىلادى. ديرەكتورلىققا ۇمىتكەرلەر ء"بىلىم بەرۋدەگى وزگەرىستەر كوشباسشىلارىن ىرىكتەۋ جانە دايارلاۋ تارتىبىنە" سايكەس تاڭدالادى. قازىرگى ۋاقىتتا تارتىپكە سايكەس ىرىكتەۋ تۋرلارى جۇرگىزىلۋدە.
ۇلتتىق جوبانى ىسكە اسىرۋشى بىرىڭعاي وپەراتور بولىپ Samruk-Kazyna Construction كومپانياسى بەلگىلەنگەن.
