بۇگىن جامبىل وبلىسىنداعى جايسان كەنىشىندە اپات بولدى. وقيعا ورنىندا ەكى جۇمىسشى قازا تاپتى. بۇل تۋرالى كومپانيا مالىمدەدى، دەپ حابارلايدى “ادىرنا” ۇلتتىق پورتالى.
«قازاقمىس» كومپانياسى 2023 جىلعى 27 قاراشادا جامبىل وبلىسىنداعى «جايسان» كەنىشىندە بولعان جازاتايىم وقيعا تۋرالى وكىنىشپەن حابارلايدى.
تاۋ-كەن جۇمىستارىن جۇرگىزۋ كەزىندە ع. وماروۆ اتىنداعى شاحتا پروحودكالاۋ ترەستىنىڭ 1981 جانە 2002 جىلعى ۇڭگۋشى قىزمەتكەرلەرى ولىمگە الىپ كەلەتىن جاراقاتتار الدى.
ارنايى كوميسسيا جازاتايىم وقيعانىڭ ءمان-جايى مەن سەبەپتەرىن انىقتاۋدا.
«قازاقمىس» كومپانياسىنىڭ باسشىلىعى مەن ەڭبەك ۇجىمى قازا تاپقانداردىڭ تۋىستارى مەن جاقىندارىنا قايعىرىپ كوڭىل ايتادى”، دەپ جازدى كومپانيا.
اپاتتىڭ ءمان-جايى مەن سەبەپتەرىن ارنايى كوميسسيا انىقتاپ جاتىر.
ايتا كەتەيىك، بۇعان دەيىن 22 قاراشادا جەزقازعانداعى №2 وڭدەۋ زاۋىتىندا ورىن العان اپات تۋرالى حابارلاعان ەدىك. وقيعا كەزىندە ماشينيست جان تۇرشىگەرلىك جاراقات الىپ، جەدەل جاردەم ونىڭ قايتىس بولعانىن مالىمدەگەن ەدى.
