بۇگىن باق-تا بەلگىلى قىلمىستىق توپتىڭ جەتەكشىسى ەركىن ءىزباساردىڭ قايتىس بولعانى تۋرالى اقپارات پايدا بولدى، دەپ حابارلايدى “ادىرنا” ۇلتتىق پورتالى.
ول «ءتورت اعايىندى» قىلمىستىق توپ جەتەكشىلەرىنىڭ ءبىرى رەتىندە تانىمال.
ەركىن ءىزباساردىڭ قازاسى تۋرالى اقپاراتتى زامانداستارى راستادى. ول بۇگىن تاڭدا كوز جۇمعان.
“ول كىسى كوپتەگەن اۋىر وپەراتسيا جاساتتى. ۇزاق جىلدار بويى اۋىردى. ەركىن ءىزباسار قازاق سپورتىن دامىتۋدا، ونىڭ ىشىندە جاس بالالاردى سپورتقا باۋلۋدا، تاربيەلەۋدە كوپ ۇلەس قوستى. اكەسى جۇماش اعاي باپكەر بولدى، ءوزى دە پالۋان. ءبىرتالاي جىگىتكە كومەكتەستى. اقتوبە وبلىسىندا كۇرەستىڭ دامۋىنا زور ۇلەس قوسقان ادام دەسەم بولادى. توكيو وليمپياداسىنىڭ قولا جۇلدەگەرى نۇريسلام ساناەۆتى الىپ كەلىپ، اقتوبە وبلىسىنا عانا ەمەس، قازاق ەلىنە ۇلكەن جەڭىس سىيلادى. ءوزى مۇگەدەك بولا تۇرا قايىرىمدىلىق اكتسياسىنا وتە كوپ قاتىستى. جوق-جىتىككە كومەكتەستى. ەلدىڭ ازاماتى، ەلدىڭ باتىرى دەپ ايتاتىنداي ازامات", – دەدى وبلىستىق ءماسليحات دەپۋتاتى مارات قويلىباەۆ.
جەلىدە قوشتاسۋ راسىمىنە شاقىرۋ بار سۋرەت دە تاراپ جاتىر.
ايتا كەتەيىك، 2021 جىلى ول دەنساۋلىعىنا بايلانىستى كولونيادان بوساتىلدى. 2018 جىلى ول جانە ۇيىمداسقان قىلمىستىق توپتىڭ قالعان مۇشەلەرى ۇزاق مەرزىمگە باس بوستاندىعىنان ايىرىلدى. توپ جەتەكشىسىنىڭ ءوزى قىلمىستىق كودەكستىڭ 10 بابى بويىنشا ايىپتالعان. قازاقستان رەسپۋبليكاسىنىڭ كودەكسى، ونىڭ ىشىندە «قىلمىستىق قوعامداستىق ۇيىمداستىرۋ» جانە «ارنايى ءىرى كولەمدە مۇناي ۇرلاۋ.» ءىزباسار بۇعان دەيىن ومىرتقا جاراقاتىن العان، سوڭعى جىلدارى مۇگەدەكتەر ارباسىنا تاڭىلعان.
