قازاقستاندىق تۇركيا تۇلەكتەرىنىڭ كەزەكتى كەزدەسۋى وسى جىلى الماتى قالاسىندا ءوتتى. اتاۋلى ءىس-شاراعا تۇركيانىڭ قازاقستانداعى ەلشىسى مۋستافا كاپۋدجۋ، تۇركيانىڭ الماتى قالاسىنداعى باس كونسۋلى ەۆرەن مۋدەرريسوگلۋ، قازاقستان جانە تۇركيانىڭ مەملەكەتتىك قىزمەتكەرلەرى، كاسىپكەرلەر جانە 300-گە جۋىق تۇركيا تۇلەكتەرى قاتىستى.
باعدارلامادا «تۇركيا تۇلەكتەرىنىڭ التىن كىتابى» جوباسى اياسىندا ءوز سالاسىندا ەرەكشە جەتىستىككە قول جەتكىزگەن تۇلەكتەرىمىزدىڭ ماراپاتتاۋ ءراسىمى جۇزەگە استى.
«بۇل بىرەگەي جوبا قازاقستاندىق تۇلەكتەر اراسىندا العاش رەت ۇيىمداستىرىلىپ، الداعى ۋاقىتتاردا جىل سايىن وتكىزىلەتىن بولادى. سونىمەن قاتار Turkish Airlines اۋە كومپانياسىنىڭ قولداۋىمەن تۇركياعا جولداما ۇتىس ويىنى ءوتتى. وسى ورايدا ءىس-شاراعا قاتىسقان بارشا قوناقتارعا جانە ءىس-شارانىڭ وتۋىنە ارنايى قولداۋ بىلدىرگەن YTB باسشىلىعىنا، «سينە ميداس ستروي» كومپانياسىنىڭ باسقارما توراعاسى احمەت بۋدان مىرزاعا، Turkish Airlines اۋە كومپانياسىنىڭ الماتى جانە تۇركىستان قالالارى باس ديرەكتورى ۋگۋر جانتيمۋر مىرزاعا العىسىمىزدى بىلدىرەمىز», - دەپ جەتكىزەدى تۇركيا تۇلەكتەرى اسسوتسياتسياسى.
تۇركيا تۇلەكتەرىنىڭ التىن كىتابى
قازاقستاندىق تۇركيا تۇلەكتەرى اسسوتسياتسياسىنىڭ ۇيىمداستىرۋىمەن ءوز سالاسىندا ەرەكشە جەتىستىككە جەتكەن تۇلەكتەردى انىقتاپ، ولاردى قوعامعا تانىتۋ ماقساتىندا قازاقستاندىق «تۇركيا تۇلەكتەرىنىڭ التىن كىتابى» جوباسى جۇزەگە استى. نوميناتسيالار ءبىلىم جانە عىلىم، سپورت، مەديتسينا، جۋرناليستيكا، مەملەكەتتىك قىزمەت، كاسىپكەرلىك، مادەنيەت جانە ونەر، قوعامدىق جۇمىستار سياقتى سالالار بويىنشا بەلگىلەندى.
وسى ورايدا مەملەكەتتىك قىزمەت سالاسىندا جەتكەن جەتىستىكتەرى ءۇشىن قر ءسىم قاراستى «وتانداستار قورىنىڭ» پرەزيدەنتى ابزال ساپاربەكۇلى، مادەنيەت جانە ونەر سالاسىندا جەتكەن جەتىستىكتەرى ءۇشىن قازاقستان رەسپۋبليكاسى پارلامەنتى سەناتىنىڭ دەپۋتاتى قىدىرالى دارحان قۋاندىقۇلى، ءبىلىم جانە عىلىم سالاسىندا جەتكەن جەتىستىكتەرى ءۇشىن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى تەمىربەكوۆا جانار امانگەلدىقىزى، كاسىپكەرلىك سالاسىندا جەتكەن جەتىستىكتەرى ءۇشىن «ADK Index» جشس ديرەكتورى تۇراباەۆ قۋانىش اۋەسحانۇلى، ەرەكشە قوعامدىق بەلسەندىلىگى ءۇشىن KAZ Minerals كومپانياسى، قارجى دەپارتامەنتى قىزمەتكەرى شىرىنباەۆ مارات امانگەلدىۇلى، جۋرناليستيكا سالاسىندا جەتكەن جەتىستىكتەرى ءۇشىن 31 ارنانىڭ Informburo اقپاراتتىق باعدارلامالار دەپارتامەنتىنىڭ ديرەكتورى ءجۇنىسوۆ ەرجان قوشقارالىۇلى، دەنساۋلىق ساقتاۋ سالاسىندا جەتكەن جەتىستىكتەرى ءۇشىن Orhun Medical Center باس دارىگەرى سىيكىمباەۆ ايدوس جەكسەنبايۇلى، سپورت سالاسىندا جەتكەن جەتىستىكتەرى ءۇشىن “دەشتى قىپشاق” ءداستۇلى ساداق اتۋ فەدەراتسياسىنىڭ ۆيتسە-پرەزيدەنتى تۋرۋسپەكوۆ باحتيار ماكفۋزوۆيچ ماراپاتتالىپ، تۇركيا تۇلەكتەرىنىڭ التىن كىتابىنا ەندى.
اسسوتسياتسيا توراعاسى اسىلبەك رازاكوۆ جانە اسسوتسياتسيانىڭ باس حاتشىسى يسلامبەك شاپەنوۆ اتاپ وتكەندەي، بۇل بىرەگەي جوبا قازاقستاندىق تۇلەكتەر اراسىندا العاش رەت ۇيىمداستىرىلىپ جىل سايىن وتكىزىلەتىن بولادى.
«ادىرنا» ۇلتتىق پورتالى
