"قازپوشتادا" 270 ميلليون تەڭگەدەن اسا قارجىنىڭ ۇرلانعانى انىقتالدى، - دەپ حابارلايدى "ادىرنا" پورتالى اكتسيونەرلىك قوعام مالىمەتىنە سىلتەمە جاساپ.
"قازپوشتا" اق-دا ىشكى تەرگەۋ جۇمىستارى جالعاسىپ جاتقانى ايتىلدى.
"وسىلايشا، 2023 جىلدىڭ قورىتىندىسى بويىنشا بىرقاتار وڭىرلەردە جالپى سوماسى 273 000 000 تەڭگە بولاتىن قارجىلىق زاڭبۇزۋشىلىقتار انىقتالدى.
قازىرگى ۋاقىتتا ىشكى تەكسەرۋ ماتەريالدارى پروتسەسسۋالدىق شەشىم قابىلداۋ جانە كۇدىكتىلەردى جاۋاپقا تارتۋ، سونداي-اق كەلتىرىلگەن شىعىن سوماسىن وتەۋ ءۇشىن ەكونوميكالىق تەرگەۋ دەپارتامەنتىنە جولداندى", - دەلىنگەن حابارلامادا.
زاڭ بۇز دەرەكتەرى قاتارىندا جىمقىرۋ، الاياقتىق، ۇرلىق جانە زاڭسىز سىياقى الۋ دەرەكتەرى بار. بارلىعى 7 وڭىرلىك فيليالدا 11 قىلمىستىق ءىس تىركەلگەن.
"قازپوشتا" اق ورتالىقتا جانە جەرگىلىكتى جەرلەردە ءتۇرلى زاڭبۇزۋشىلىق ارەكەتتەرمەن كۇرەستى ودان ءارى جالعاستىرادى جانە قۇقىق قورعاۋ ورگاندارىمەن اتالعان باعىت بويىنشا بىرلەسىپ جۇمىس ىستەيدى", - دەلىنگەن حابارلامادا.
