ەندى ءوزىڭىزدىڭ ساقتاندىرۋ تۋرالى اقپاراتتىڭىزدى Halyk Homebank ءموبيلدى قوسىمشاسىنان وڭاي جانە تەز الۋعا بولادى.
«ساقتاندىرۋ شارتتارى بويىنشا مالىمەتتەر» جاڭا قىزمەتى كولىك قۇرالىنا قولدانىستاعى پوليستەر تۋرالى اقپاراتقا، سونداي-اق كليەنتتىڭ ساقتاندىرۋ شارتتارى بويىنشا ەسەپتەرگە قول جەتكىزۋدى ۇسىنادى. سەرۆيستى «مەملەكەتتىك قىزمەتتەر» - «انىقتامالار» بولىمىندە پايدالانۋعا بولادى. جوبا «مەملەكەتتىك كرەديتتىك بيۋرو» اق-تىڭ قولداۋىمەن ازىرلەنىپ، ەنگىزىلدى.
كولىك قۇرالىنا ساقتاندىرۋ ءپوليسى تۋرالى اقپارات اۆتوكولىكتى ساقتاندىرۋدىڭ جارامدىلىق مەرزىمىن باقىلاۋ ءۇشىن قاجەت، سونىمەن قاتار جول پوليتسياسى قىزمەتكەرلەرىنە ۇسىنۋ قاجەت بولۋى مۇمكىن.
ساقتاندىرۋ ەسەبى «ءومىردى ساقتاندىرۋ»، «ءتۋريستى مىندەتتى ساقتاندىرۋ»، «جازاتايىم وقيعالاردان ساقتاندىرۋ»، سونداي-اق ساقتاندىرۋ جاعدايلارىنىڭ تاريحى بويىنشا مالىمەتتەردى قوسا العاندا، قولدانىستاعى جانە مەرزىمى وتكەن ساقتاندىرۋ شارتتارى بويىنشا تولىق اقپارات الۋعا كومەكتەسەدى.
«قازاقستاندىقتاردى ساقتاندىرۋ جانە كرەديت بەرۋ جونىندە تەگىن ەسەپتەرگە قولجەتىمدىلىكپەن قامتاماسىز ەتۋ «مەملەكەتتىك كرەديتتىك بيۋرو» اق-تىڭ ستراتەگيالىق مىندەتى بولىپ تابىلادى. وسىلايشا، ءبىز ەل حالقىنىڭ قارجىلىق ساۋاتتىلىعىن دامىتۋعا ۇلەس قوسۋعا، سونداي-اق الاياقتىققا قارسى تۇرۋعا تىرىسامىز. بۇگىنگى تاڭدا تانىمال Halyk Homebank ءموبيلدى قوسىمشاسىندا ءبىزدىڭ سەرۆيستەر بانك كليەنتتەرى ءۇشىن قولجەتىمدى بولدى. Halyk كومانداسىنا قولداۋى مەن كاسىبيلىگى ءۇشىن العىس بىلدىرەمىز»، - دەپ «مەملەكەتتىك كرەديتتىك بيۋرو» اق باسقارما توراعاسىنىڭ ورىنباسارى ايدوس باشيروۆ اتاپ ءوتتى.
«مەملەكەتتىك كرەديتتىك بيۋرو» اق-تاعى سەرىكتەستەرمەن تىعىز قارىم-قاتىناس جاساي وتىرىپ، ءبىز بۇل جوبانى بانك نارىعىندا ءبىرىنشى بولىپ ىسكە اسىردىق. بۇل Halyk Homebank قوسىمشاسىنىڭ كليەنتتەرىنە ساقتاندىرۋ شارتتارى مەن ساقتاندىرۋ جاعدايلارىنىڭ تاريحى تۋرالى بارلىق قاجەتتى جانە پايدالى اقپاراتتى يەلەنۋگە مۇمكىندىك بەرەدى. ءبىز جاي بانكتەن ارتىقپىز جانە تسيفرلىق ەكوجۇيەمىزدى جوسپارلى تۇردە دامىتۋدى جالعاستىرا وتىرىپ، كليەنتتەرىمىزدىڭ يگىلىگى ءۇشىن وتاندىق مەملەكەتتىك قىزمەتتەر مەن قارجىلىق قىزمەتتەردىڭ بارلىق الەۋەتىن بارىنشا پايدالانۋعا تىرىسامىز»، - دەدى Halyk Bank باسقارما توراعاسىنىڭ ورىنباسارى ناريمان مۇقىشەۆ.
"ادىرنا" ۇلتتىق پورتالى
