دەنساۋلىق ساقتاۋ ءمينيسترى اجار عينيات قازاقستان قىزىلشا ۆيرۋسىن جۇقتىرۋ كورسەتكىشى بويىنشا بولجامداردىڭ شەگىنە جەتتى دەپ مالىمدەدى. بۇل تۋرالى "ادىرنا" سايتى حابارلايدى.
«بۇگىنگى كۇنى قازاقستاندا كۇن سايىن قىزىلشا جۇقتىرۋ دياگنوزىمەن 250-350 جاعداي تىركەلەدى. جەلتوقسان ايىندا جاپپاي يممۋنداۋ ءتيىمدى جۇرگىزىلسە، كورسەتكىشتەر بۇدان جوعارى بولمايدى دەپ ويلايمىز»، - دەدى عينيات سارسەنبى كۇنى وتكەن بريفينگتە.
كەيىنىرەك ول جۇقتىرعان 250-300 ادامنىڭ كوپشىلىگىن نەگىزىنەن بالالار قۇرايتىنىن ءتۇسىندىردى.
«اۋرۋحانالاردا 2378 ناۋقاس جاتىر، ونىڭ 23-ءى اۋىر حالدە جاتقان بالالار»، - دەپ قوستى عينيات.
