اقمولا وبلىسى پروكۋراتۋراسىنىڭ اكتىسى بويىنشا، زاڭ بۇزۋشىلىققا جول بەرگەن قورعالجىن مەملەكەتتىك تابيعي رەزەرۆاتىنىڭ قىزمەتكەرلەرى جۇمىستان بوساتىلدى، دەپ حابارلايدى «ادىرنا» ۇلتتىق پورتالى وبلىستىق پروكۋراتۋراعا سىلتەمە جاساپ.
ۆەدومستۆونىڭ رەسمي سايتىنىڭ مالىمەتىنشە، ينسپەكتورلار مەن ورمان شارۋاشىلىعى جانە جانۋارلار دۇنيەسى كوميتەتى قورعالجىن مەملەكەتتىك تابيعي قورىعىنىڭ باسشىلىعى ەرەكشە قورعالاتىن اۋماقتى قورعاۋ رەجيمىن بۇزعان.
«ەرەكشە قورعالاتىن اۋماقتا قورىق رەجيمىن قورعاۋعا ۋاكىلەتتىك بەرىلگەن قورىق ينسپەكتورلارىنىڭ تىكەلەي باسشىلىعىنىڭ كەلىسىمىمەن زاڭسىز ءشوپ شابۋ جانە مال جايۋ ۇيىمداستىرىلىپ، ناتيجەسىندە، قوماقتى شىعىن كەلتىرىلدى. قورىق اۋماعىندا ينسپەكتورلاردىڭ جاقىن تۋىستارىنا تيەسىلى 700-دەن استام جىلقى ۇستالدى»، - دەدى قاداعالاۋ ورگانى.
قورىق رەجيمىن بۇزعانى جانە قىزمەتتىڭ مۇددەلەرىنە قايشى وكىلەتتىكتەردى پايدالانعانى ءۇشىن ءۇش ينسپەكتور، ونىڭ ىشىندە تابيعي كەشەندەردى قورعاۋ ءبولىمىنىڭ باسشىسى جۇمىستان شىعارىلدى.
«قورىق باسشىلىعىنا قاتىستى قىزمەتتىك تەكسەرۋ جۇرگىزىلۋدە», - دەپ تولىقتىردى اقمولا وبلىسىنىڭ پروكۋراتۋراسى.
قورعالجىن مەملەكەتتىك تابيعي قورىعىنىڭ رەسمي سايتىنىڭ مالىمەتىنشە، ونىڭ تاريحى سولتۇستىك جانە ورتالىق قازاقستاننىڭ تىڭ جانە تىڭايعان جەرلەرىن جاپپاي يگەرۋ كەزەڭىندە، دالا ايماعىنىڭ جەكەلەگەن ۋچاسكەلەرىن ساقتاپ قالۋدىڭ شۇعىل قاجەتتىلىگى تۋىنداعان كەزدە باستالدى. ول 1968 جىلى قۇرىلعان.
قورىق وڭتۇستىك-باتىس تەڭىز-قورعالجىن ويپاتىندا ورنالاسقان. جالپى اۋماعى 543 171 گا. قورعالجىن مەملەكەتتىك تابيعي قورىعى يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن. ونىڭ اۋماعىندا الەمدەگى سولتۇستىك قىزعىلت قوقيعاز ۇيا سالاتىن كولونيا ورنالاسقان.
«ادىرنا» ۇلتتىق پورتالى
