قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەلىمىزدە قازىردىڭ وزىندە جۇزەگە اسىرىلىپ جاتقان جاساندى ينتەللەكت سالاسىنداعى جوبالار تۋرالى باياندادى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
– قازاقستاندا قازىردىڭ وزىندە دەنساۋلىق ساقتاۋ، ءبىلىم بەرۋ، قۇقىق قورعاۋ، سمارت قالالار سياقتى ءتۇرلى سالالاردا الگوريتمدەر مەن جاساندى ينتەللەكت تەحنولوگيالارىن قولدانۋ ارقىلى بىرقاتار جوبالار جۇزەگە اسىرىلۋدا. مىسالى، دەنساۋلىق ساقتاۋ سالاسىندا Cerebra (ينسۋلت بەلگىلەرىن دياگنوستيكالاۋعا كومەكتەسۋ), Aident (ورتودونت دارىگەرلەرىنە كومەك), Smart ECG (ەلەكتروكارديوگراممانى قاشىقتان ينتەرپرەتاتسيالاۋ), PneumoNet جۇيەسى (وكپەنىڭ ون جەتى پاتوگەندى اۋرۋىن انىقتاۋ) سياقتى جوبالار بار. قازاقستاندا عانا ەمەس، شەتەلدە دە تانىمال بولدى»، - دەدى مينيسترلىك قازاقپارات رەداكتسياسىنىڭ رەسمي ساۋالىنا بەرگەن جاۋابىندا.
سمارت قالالار سالاسىندا TargetAI, Sergek Group جانە Beyne.ai جوبالارى جاساندى ينتەللەكت تەحنولوگيالارىن، ۇلكەن دەرەكتەردى وڭدەۋدى جانە قالا سىرتىنداعى مونيتورينگتى پايدالانا وتىرىپ، بەينە مالىمەتتەردى تالداۋ مۇمكىندىگىن بەرەدى.
«قازىرگى ۋاقىتتا NEURON OIL باعدارلامالىق جاساقتاماسى جۇمىس ىستەيدى، بۇل مۇناي ءوندىرۋشى كومپانيالارعا دەرەكتەر نەگىزىندە دۇرىس يگەرۋدى باسقارۋ شەشىمدەرىن قابىلداۋعا جانە ۇڭعىما وقيعالارىنا كوپ فاكتورلى تالداۋ جاساۋعا كومەكتەسەتىن ماشينانى وقىتۋ الگوريتمى»، - دەپ قوستى دەپارتامەنتتە.
«ادىرنا» ۇلتتىق پورتالى
