قىرعىزستاندا ساۋداگەرلەر ساۋدا پاتەنتتەرىنىڭ جويىلۋىنا جانە باقىلاۋ-كاسسالىق اپپاراتتاردىڭ ەنگىزىلۋىنە نارازىلىق بىلدىرۋدە، حالىقتىڭ ۇندەۋىن تىكەلەي تىڭداۋعا قىرعىز پرەزيدەنتى باردى، - دەپ حابارلايدى "ادىرنا" ۇلتتىق پورتالى.
29 قاراشادان بەرى قىرعىزستاندا ميتينگىلەر ءوتىپ جاتىر. كەشە 5 جەلتوقسان كۇنى، تاعى دا وش بازارى مەن ماكسيم گوركي ەسكەرتكىشى جانىنداعى ساياباقتا نارازىلىق شارالارى ءوتتى.
بۇعان دەيىن قارا-بالتاداعى بازارلار مەن دۇكەندەردىڭ ساتۋشىلارى دا نارازىلىق بىلدىرگەن بولاتىن. «دوردوي»، «ورتو-ساي» بازارى، «مادينا»، «ءالامۇدىن» بازارى، «تااتان»، «ءازيزا»، «شىنارا» ساۋداگەرلەرى دە وش وبلىسىنداعى «قارا-سۋ» بازارىندا ميتينگ وتكىزدى.
ميتينگتەر وش، تالاس جانە قاراكولدە دە ءوتتى.
بارلىق كاسىپكەرلەردىڭ ءبىر تالابى بار - بيلىك ولارعا پاتەنت بويىنشا جۇمىس ىستەۋگە رۇقسات بەرسە جانە تولەمدەر ءۇشىن باقىلاۋ-كاسسالىق اپپراتتاردى پايدالانۋ مىندەتتەمەسىن الىپ تاستاۋ.
قىرعىزستان پرەزيدەنتى سادىر جاپاروۆ «دوردوي» بازارىنا بارىپ، ساۋداگەرلەرمەن كەزدەستى.
نارازىلىق بىلدىرۋشىلەردىڭ ءبىرى بيلىكتى بازار ەرەجەلەرىنە قاتىستى شەشىمدى قايتا قاراۋعا شاقىردى. ونىڭ ايتۋىنشا، ولاردىڭ «وزدەرى ايتقانداي ميلليونداعان تابىسى جوق».
تاعى ءبىر ساۋداگەر مەملەكەت باسشىسىنىڭ الدىندا ءسوز سويلەپ، تىم بولماسا باقىلاۋ-كاسسالىق اپپاراتتاردى پايدالانۋدى كەشىكتىرىپ، پاتەنتپەن قالدىرۋدى سۇرادى.
جينالعاندار "پاتەنت! پاتەنت! پاتەنت!" دەپ ۇراندادى.
