Qyrǵyzstanda saýdagerler saýda patentteriniń joıylýyna jáne baqylaý-kassalyq apparattardyń engizilýine narazylyq bildirýde, Halyqtyń úndeýin tikeleı tyńdaýǵa qyrǵyz prezıdenti bardy, - dep habarlaıdy "Adyrna" ulttyq portaly.
29 qarashadan beri Qyrǵyzstanda mıtıngiler ótip jatyr. Keshe 5 jeltoqsan kúni, taǵy da Osh bazary men Maksım Gorkıı eskertkishi janyndaǵy saıabaqta narazylyq sharalary ótti.
Buǵan deıin Qara-Baltadaǵy bazarlar men dúkenderdiń satýshylary da narazylyq bildirgen bolatyn. «Dordoı», «Orto-Saı» bazary, «Madına», «Alamúdin» bazary, «Taatan», «Ázıza», «Shynara» saýdagerleri de Osh oblysyndaǵy «Qara-sý» bazarynda mıtıng ótkizdi.
Mıtıngter Osh, Talas jáne Qarakólde de ótti.
Barlyq kásipkerlerdiń bir talaby bar - bılik olarǵa patent boıynsha jumys isteýge ruqsat berse jáne tólemder úshin baqylaý-kassalyq apprattardy paıdalaný mindettemesin alyp tastaý.
Qyrǵyzstan prezıdenti Sadyr Japarov «Dordoı» bazaryna baryp, saýdagerlermen kezdesti.
Narazylyq bildirýshilerdiń biri bılikti bazar erejelerine qatysty sheshimdi qaıta qaraýǵa shaqyrdy. Onyń aıtýynsha, olardyń «ózderi aıtqandaı mıllıondaǵan tabysy joq».
Taǵy bir saýdager memleket basshysynyń aldynda sóz sóılep, tym bolmasa baqylaý-kassalyq apparattardy paıdalanýdy keshiktirip, patentpen qaldyrýdy surady.
Jınalǵandar "Patent! Patent! Patent!" dep urandady.
