وزبەكستان شەكاراشىلارى قىرعىزستاننىڭ ءۇش ازاماتىنا قارۋ قولدانعان. وقيعا 5 مامىر كۇنى جالال-اباد وبلىسى، الا-بۇقا اۋدانى، اقتام اۋىلدىق كەڭەسىنىڭ دوبو-قورعان ەلدى مەكەنىندە بولعان، دەپ حابارلايدى “ادىرنا” ۇلتتىق پورتالى “24.kg” سايتىنا سىلتەپ.
اقپاراتقا سايكەس، ءۇش قىرعىزستاندىق ازامات جاراقات الىپ، الا-بۇقا اۋداندىق اۋرۋحاناسىنا جەتكىزىلدى. ولار سول جەردە ەس جيماستان قايتىس بولعان.
«وقىس وقيعانىڭ ءمان-جايىن انىقتاۋ ءۇشىن قىرعىز رەسپۋبليكاسىنىڭ الا-بۇقا باعىتىنداعى شەكارا وكىلى وزبەكستاننىڭ يانگي-كۋرگان باعىتىنداعى شەكارا وكىلىمەن كەزدەسۋ وتكىزدى. تاراپتار قىزمەتتىك تەرگەۋ قورىتىندىلارى بويىنشا كەزدەسۋدى 6 مامىردا جالعاستىرۋعا ۋاعدالاستى. فاكتى بويىنشا تەرگەۋ شارالارى باستالدى» دەپ حابارلايدى قىرعىزستان ۇقك شەكارا قىزمەتى.
”ادىرنا” ۇلتتىق پورتالى
ۇقساس جاڭالىقتار
