الەۋمەتتىك جەلىدە قىرعىزستاننىڭ كەدەن قىزمەتى باسشىسىنىڭ بۇرىنعى ورىنباسارى رايىمبەك ماترايموۆتىڭ سۋرەتتەرى پايدا بولدى، دەپ حابارلايدى “ادىرنا” ءتىلشىسى kaktus.media-عا سىلتەپ.
ول باكۋدەن بىشكەككە اكەلىنگەن.
ەكس-شەنەۋنىك ۇكىمەتتىك ۇشاقتىڭ كومەگىمەن ەكستراديتسيالانعان بولاتىن.
قازىر ۇلتتىق قاۋىپسىزدىك كوميتەتىنىڭ عيماراتىندا اعايىندى ءتورت ماترايموۆتار – رايىمبەك، ەسكەندىر، تىلەك جانە يسلام بار.
تىلەك ماترايموۆ اعاسىمەن بىرگە باكۋدەن ەكستراديتسيالاندى.
«رايىمبەك ماترايموۆتىڭ قىرعىزستاندا ۇستالعان ازەربايجاننان كەلگەن ترانسۇلتتىق ۇيىمداسقان قىلمىستىق توپ مۇشەلەرىمەن بايلانىسى بار ەكەنى بەلگىلى بولدى، ولار قىرعىز رەسپۋبليكاسىنىڭ باسشىلىعىنا قاستاندىق جاساۋدى دايىنداپ جاتىر»، - دەپ حابارلادى ۇلتتىق قاۋىپسىزدىك مەملەكەتتىك كوميتەتى.
ايتا كەتكيىك، رايىمبەك ماترايموۆ 2015-2017 جىلدار ارالىعىندا قىرعىزستاندا مەملەكەتتىك كەدەن قىزمەتى باسشىسىنىڭ ورىنباسارى قىزمەتىن اتقارعان. ال وعان 2020 جىلدىڭ قازان ايىندا بيلىك اۋىسقاننان كەيىن كەدەندەگى سىبايلاس جەمقورلىققا قاتىسى بار دەگەن ايىپ تاعىلدى.
