وزبەكستان پرەزيدەنتى شاۆكات ميرزيوەۆ كونستيتۋتسيا كۇنىنە وراي تۇرمەدەگى 334 ادامعا راقىمشىلىق جاسادى. بۇل تۋرالى مەملەكەت باسشىسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«شاۆكات ميرزيوەۆ «جازاسىن وتەپ جاتقان، جاساعان ءىس-ارەكەتىنە شىن جۇرەكتەن وكىنگەن جانە كىنالى دەپ تانىلعان ءبىر توپ ادامعا راقىمشىلىق جاساۋ تۋرالى» جارلىققا قول قويدى. ونىڭ نەگىزىندە 34 ادام نەگىزگى جازاسىن وتەۋدەن تولىق بوساتىلدى. ال 249 قىلمىسكەر شارتتى تۇردە مەرزىمىنەن بۇرىن بوساتىلسا،
6 تۇلعانىڭ باس بوستاندىعىنان ايىرۋ جازاسى جەڭىلىرەك جازامەن اۋىستىرىلدى. سونداي-اق 45 سوتتالۋشىنىڭ باس بوستاندىعىنان ايىرۋ تۋرالى جازا مەرزىمى قىسقاردى»،—دەلىنگەن حابارلامادا.
ايتا كەتەيىك، راقىمشىلىققا ىلىنگەندەردىڭ ىشىندە 18 شەتەلدىك، 23 ايەل، 60 جاستان اسقان 15 ەر ادام مەن تىيىم سالىنعان ۇيىمداردىڭ قىزمەتىنە قاتىسقان 88 ادام بار.
