بەلگيالىق وتباسى اسىراپ العان قازاق بالاسى تۋعان اناسىن ىزدەيدى. بۇل تۋرالى سىرتقى ىستەر مينيسترلىگى جانىنداعى «وتانداستار» قورىنىڭ ۆيتسە-پرەزيدەنتى ولجاس بەركىنباەۆ ايتتى، دەپ حابارلايدى «ادىرنا» ءتىلشىسى
«سىزدەردەن كومەك سۇراپ وتىرعان جىگىتتىڭ ەسىمى – جانىبەك، بىراق قازىرگى قۇجاتىندا ەدديجان دەپ جازىلعان. ۇلتى – قازاق، 2002 جىلدىڭ 17 قاڭتار كۇنى ارقالىق قالاسىندا دۇنيەگە كەلگەن. 2004 جىلى سول قالاداعى بالالار ۇيىنەن قازىرگى بەلگيالىق وتباسى، ياعني جالعىز باستى اناسى اسىراپ الۋعا الىپ كەتكەن. تۋعان انامنىڭ ءۇشىنشى بالاسى بولۋىم مۇمكىن دەيدى ول. فلاماند تىلىندە وسكەن ول قازاقشا نە ورىسشا بىلمەيدى. ەسەسىنە اعىلشىن، يسپان، فرانتسۋز، نەمىس تىلدەرىندە سويلەيدى. قازىر يسپانيانىڭ مالوركا ارالىندا تۇرادى. اسىراپ العان وتباسى وعان ەۋروپاشا ءبىلىم بەرىپ وسىرگەن. وسى كۇندەرى استانادا، ءوزىنىڭ تۋعان اكە-شەشەسىن ىزدەپ كەلىپتى»،—دەپ جازدى ول.
ايتۋىنشا، ەدديجان 20 جەلتوقساندا يسپانياعا ۇشىپ كەتەدى. سول سەبەپتى ول قازاقستاندىقتاردان اناسىن تابۋعا كومەكتەسۋىن سۇراپ وتىر.
«تۋعان اكە-شەشەمنەن تۇك كەرەك ەمەس، تەك انامنىڭ ءجۇزىن كورىپ، ءبىر رەت قۇشاقتاپ، جۇرەگىمدى تىنشىتسام بولدى دەگەن جانىبەك مىنا ۆيدەونى بۇگىن نەشە رەت تۇسىرگەنىن بىلسەڭىز عوي... 20 جەلتوقسان استانادان يسپانياعا ۇشىپ كەتەتىن جانىبەك بارشاڭىزدان كومەك كۇتىپ وتىر. قازاقستان تىم الىس، ەندى قاشان كەلەرىم بەلگىسىز، مۇندا ءتۇرىم قازاق، ءتىلىم وزگەشە، ءبارى ءبىرتۇرلى قارايدى دەيدى. مالوركادا ول اتبەگىلىكپەن اينالىسادى. جىلقىنى جاقسى كورەدى ەكەن. بارىنشا تاراتىپ، قانداسىمىزعا قول ۇشىن سوزىپ جىبەرەيىك، اعايىن!»—دەدى ولجاس بەركىنباەۆ.
بەينەجازبانى كورۋ ءۇشىن سىلتەمەنى باسىڭىز.
