جاستار اراسىنداعى الەم چەمپيوناتىنىڭ ەكىنشى كەزدەسۋىندە قازاقستان قۇراماسى دانيا قۇراماسىمەن كەزدەستى، دەپ حابارلايدى «ادىرنا» ۇلتتىق پورتالى Qazaqstan Hokei سايتىنا سىلتەمە جاساپ.
قارسىلاس ويىننىڭ 16-مينۋتىندا ەسەپ اشسا، ەكىنشى كەزەڭدە ەشبىر گول سوعىلمادى. ولار ءۇشىنشى كەزەڭدە عانا ەسەپتى تەڭەستىرە الدى، بىراق كوپ ۇزاماي دانيالىقتار قايتادان العا شىقتى. اراعا ەكى مينۋت سالىپ كيريلل لياپۋنوۆ ەسەپتى 2:2-گە جەتكىزدى. كەزدەسۋ اياقتالۋعا ءۇش مينۋت قالعاندا رۋسلان وسپانوۆ جەڭىس گولىن سوقتى – 3:2. بۇل الەم چەمپيوناتىنداعى ەكىنشى جەڭىس.
قازاقستان – دانيا – 3:2 (0:1, 0:0, 3:1)
0:1 - 15:13 - مەلگارد (تومسەن، شيولدان)
1:1 - 44:57 - ورازوۆ (بەيسەمباەۆ، نۇركەنوۆ)
1:2 - 46:13 - شيولدان (مەلگارد، تومسەن)
2:2 - 48:40 - لياپۋنوۆ (شاقشاقباەۆ)
3:2 - 56:46 - وسپانوۆ (ەرماك)
قاقپاشىلار: نيكيتين - شتاينبەرگس
سەرگەي ستارىگين شاكىرتتەرى كەلەسى كەزدەسۋىن 13 جەلتوقسان كۇنى استانا ۋاقىتىمەن 17:30-دا وتكىزەدى.
«ادىرنا» ۇلتتىق پورتالى
