قازاقستاندىق جانكۇيەرلەر شايبالى حوككەيدەن 23-ءشى الەم چەمپيوناتىندا ەڭ ۇلكەن جالاۋدى جەلبىرەتتى، دەپ حابارلايدى “ادىرنا” ۇلتتىق پورتالى.
بۇگىن ريگادا قازاقستان قۇراماسى شايبالى حوككەيدەن 2023 جىلعى الەم چەمپيوناتىنداعى العاشقى ويىنىن وتكىزدى.
كوماندانى قولداۋعا كەلگەن جانكۇيەرلەر وزدەرىمەن بىرگە كولەمى 800 شارشى مەتر بولاتىن قازاقستان تۋىن الا كەلگەن.
«قازاقستان – الەمدەگى ەڭ ۇلكەن مەملەكەتتەردىڭ ءبىرى. ۇلكەن جانە مادەني جاعىنان وتە باي. ءبىز كوپ مادەنيەتتى ەلمىز جانە مۇنى بۇكىل الەمگە كورسەتكىمىز كەلەدى. ءبىز ۇلتتىق قۇرامامىز بەن ونىڭ جانكۇيەرلەرىن قولداۋ ءۇشىن قازاقستاننىڭ ەڭ ۇلكەن تۋىن تىكتىك»، – دەيدى ۇيىمداستىرۋشى دۋمان قوجاحمەت.
