"شەكاراسىز تىلشىلەر" حالىقارالىق ۇيىمى قازاقستانداعى ءسوز بوستاندىعى دەڭگەيىن جاريالادى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
2026 جىلعى ءباسپاسوز بوستاندىعى يندەكسىندە قازاقستان 180 ەلدىڭ ىشىندە 149-ورىنعا تۇراقتادى. ەلدىڭ جالپى كورسەتكىشى – 34,41 ۇپاي.
ۇيىم دەرەگىنشە، قازاقستان ءبىر جىل ىشىندە سەگىز ساتىعا تومەندەگەن. 2025 جىلى رەسپۋبليكا 141-ورىندا بولعان ەدى.
ۇيىم ەسەبىندە ونلاين-جاڭالىقتاردىڭ ساپاسى ءبىرشاما جاقسارعانىمەن، مەدياعا قىسىمنىڭ جاڭا فورمالارى بايقالاتىنى اتاپ وتىلگەن. اتاپ ايتقاندا، تاۋەلسىز اقپارات قۇرالدارى ءۇشىن نەگىزگى الاڭ سانالاتىن ينتەرنەت كەڭىستىگىنە باقىلاۋ كۇشەيىپ كەلە جاتقانى ايتىلعان.
ورتالىق ازيا ەلدەرى اراسىندا قازاقستان كورشىلەرىنەن الدا تۇر. قىرعىزستان 146-ورىندا، وزبەكستان 147-ورىندا، ال تاجىكستان 155-ورىنعا جايعاسقان.
رەيتينگتىڭ ەڭ سوڭعى ورىندارىندا ۆەتنام، اۋعانستان، ساۋد ارابياسى، يران، قىتاي، سولتۇستىك كورەيا جانە ەريترەيا بار.
