تەمىرتاۋدا قۇبىرلاردىڭ ءبىر بولىگى قاتىپ قالىپ، تۇرعىندار اۋىز سۋسىز قالدى، دەپ حابارلايدى “ادىرنا” ۇلتتىق پورتالى «ۆەچەرنيايا كاراگاندا» سايتىنا سىلتەپ.
«تەمىرتاۋدا سۋ قۇبىرى قاتىپ قالدى. قالانىڭ شىعىس بولىگى اۋىز سۋسىز قالدى. بۇل بىرنەشە بلوكتار، ءىشىنارا اباي جانە چايكوۆسكي كوشەلەرى، 21 مەكتەپ، 3 قالالىق اۋرۋحانا، بالالار اۋرۋحاناسى، 1 ەمحانا، اۋباكىروۆ اتىنداعى گيمنازيا دا اۋىز سۋسىز وتىر. جۇمىسشىلار بريگادالارى قازىر قۇبىرلاردى جەدەل تۇردە جىلىتۋدا. تۇرعىندار اۋىز سۋدىڭ جوقتىعىن ايتىپ شاعىمدانۋدا. دۇكەندەردەگى بوتەلكەلەردەگى سۋلار دا ساتىلىپ كەتتى»، - دەلىنگەن حابارلامادا.
«ساقتىق كوشىرمە سحەماسى قۇراستىرىلدى. قازىرگى ۋاقىتتا كەزەكشىلەر گيدراۆليكالىق رەجيمدى قالپىنا كەلتىرۋ جۇمىستارىن جالعاستىرۋدا. اۋىز سۋمەن قامتاماسىز ەتۋ ۇيىمداستىرىلدى»، - دەلىنگەن حابارلامادا.
