«تاپتىم اۋ سەنى» رومانتيكالىق كومەدياسى پروكاتقا شىققالى 10 كۇننىڭ ىشىندە ميلليارد تەڭگەدەن استام تابىس تاۋىپ ۇلگەردى، دەپ جازادى "ادىرنا" پورتالى.
ءفيلمنىڭ كاسسالىق تۇسىمدەرى (2023 جىلدىڭ 1 جەلتوقسانى مەن 2023 جىلدىڭ 10 جەلتوقسانى ارالىعىندا) 1 100 000 000 تەڭگەنى قۇرادى جانە Kinopark-Kinoplexx Theatres ءىرى كينوتەاترلار جەلىسى وكىلدەرىنىڭ پىكىرىنشە، بۇل وتاندىق پروكات ءۇشىن بۇرىن-سوڭدى بولماعان جاعداي.
«ءفيلمنىڭ بيۋدجەتى جوعارى بولسا نەمەسە شەتەلدە تۇسىرىلسە جانە پرەمەراسى جاقسى كۇنگە جوسپارلانعان بولسا عانا ميللياردتارعا مۇمكىندىك بار دەگەن ورتاق پىكىر بار. فاكتورلار كاسسالىق ءفيلمنىڭ تاعدىرىنا اسەر ەتەدى: «تاپتىم-اۋ سەنى» رومانتيكالىق كومەدياسى 1 جەلتوقساندا شىقتى، ول تولىعىمەن قازاقستاندا تۇسىرىلگەن جانە كاسسادا ميللياردتاعان اقشا جيناعان فيلمدەرمەن سالىستىرعاندا وتە قاراپايىم بيۋدجەتكە يە. جاساۋشىلار تابىسقا جەتۋ فورمۋلاسىن تاپقانى ءسوزسىز»، - دەپ اتاپ ءوتتى Kinopark-Kinoplexx تەاترلارىنىڭ وكىلدەرى.
فيلمدەگى باستى رولدەردى قالىڭ جۇرتشىلىققا Ochooou لاقاپ اتىمەن تانىمال تانىمال اكتەرلار ولجاس اباي مەن پروديۋسەرلىك قىزمەتتى اتقارعان داريعا بادىقوۆا سومدادى.
"اۋەلى قۇداي! ماعان تىلەكتەس بولعان جاننىڭ اربىرىنە قۇداي تىلەۋىن بەرسىن" دەپ جازدى كينو اكتريساسى ءارى پروديۋسەرى داريعا بادىقوۆا ينستاگرامىندا.
فيلمدە قاراپايىم اۋىلدىق ءومىر مەن قىز بەن جىگىت اراسىنداعى دوستىق، قازاق وتباسىنداعى قىزدىڭ ءرولى جانە تۇرمىستىق ماسەلەلەر قوزعالادى.
