كەنتاۋ جىلۋ ەلەكتر ورتالىعىندا ءتورت قازاندىق تە ءوشىپ، جۇمىسىن جالعاستىردى. بۇل تۋرالى قازاقستان رەسپۋبليكاسىنىڭ ەنەرگەتيكا مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«13 جەلتوقسان ساعات 20:16-دا جەو-دا ەلەكتر جۇيەسىنە قوسىلاتىن ەلەكتر بەرۋ جەلىلەرى سونگەن كەزدە ءتورت قازاندىق تە ءوشىپ قالدى. ساعات 20:34-تە رەجيم قالپىنا كەلتىرىلدى»، - دەلىنگەن بەيسەنبى كۇنى حابارلامادا.
سونداي-اق باسقارما جىلۋ ەلەكتر ورتالىعىنداعى № 5, 6, 7, 12 قازاندىقتاردىڭ جوندەۋ جۇمىستارى اياقتالعانىن حابارلادى.
«№ 8, 11 قازاندىقتاردى جوندەۋ جۇمىستارى 58 پايىزعا ورىندالدى. اياقتاۋ 20 قاراشاعا جوسپارلانعان. ءىس جۇزىندە 20 جەلتوقساندا اياقتالادى دەپ كۇتىلۋدە. № 9, 10 قازاندىقتاردى جوندەۋ جۇمىستارى 50 پايىزعا ورىندالدى. اياقتاۋ 30 قاراشاعا جوسپارلانعان. ءىس جۇزىندە اياقتالۋى 2024 جىلدىڭ 30 ناۋرىزىندا كۇتىلۋدە. جىلۋ جەلىلەرىنىڭ كەستەسى 70/45, ناقتى 68/440س»، - دەلىنگەن حابارلامادا.
كەيىن ەنەرگەتيكا مينيسترلىگى سەندىرگەندەي، قازىر جىلۋ ەلەكتر ورتالىعىنداعى جاعداي تۇراقتى.
ەسكە سالايىق، كۇرت سۋىعان بىرنەشە كۇننىڭ ىشىندە قازاقستاننىڭ سەگىز قالاسىندا بىردەن جىلۋمەن جابدىقتاۋ جۇيەلەرىندە اپاتتار بولدى: ستەپنوگورسك، ەكىباستۇز، اقتاۋ، بالقاش، سونداي-اق تەمىرتاۋ، ريددەر، جاڭاوزەن جانە كوكشەتاۋ. اتىراۋ مەن جارتىلاي تەمىرتاۋ دا سۋسىز قالدى.
سونىمەن بىرگە، جاقىندا عانا ەنەرگەتيكا مينيسترلىگىنىڭ وكىلدەرى دە، سالانى قاداعالايتىن پرەمەر-ءمينيستردىڭ ءبىرىنشى ورىنباسارى رومان سكليار دا قازاقستاندىقتاردى ءبارى جاقسى بولاتىنىنا سەندىردى.
