Kentau jylu elektr ortalyǧynda tört qazandyq te öşıp, jūmysyn jalǧastyrdy. Būl turaly Qazaqstan Respublikasynyŋ Energetika ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
«13 jeltoqsan saǧat 20:16-da JEO-da elektr jüiesıne qosylatyn elektr beru jelılerı söngen kezde tört qazandyq te öşıp qaldy. Saǧat 20:34-te rejim qalpyna keltırıldı», - delıngen beisenbı künı habarlamada.
Sondai-aq basqarma jylu elektr ortalyǧyndaǧy № 5, 6, 7, 12 qazandyqtardyŋ jöndeu jūmystary aiaqtalǧanyn habarlady.
«№ 8, 11 qazandyqtardy jöndeu jūmystary 58 paiyzǧa oryndaldy. Aiaqtau 20 qaraşaǧa josparlanǧan. Is jüzınde 20 jeltoqsanda aiaqtalady dep kütılude. № 9, 10 qazandyqtardy jöndeu jūmystary 50 paiyzǧa oryndaldy. Aiaqtau 30 qaraşaǧa josparlanǧan. Is jüzınde aiaqtaluy 2024 jyldyŋ 30 nauryzynda kütılude. Jylu jelılerınıŋ kestesı 70/45, naqty 68/440S», - delıngen habarlamada.
Keiın Energetika ministrlıgı sendırgendei, qazır jylu elektr ortalyǧyndaǧy jaǧdai tūraqty.
Eske salaiyq, kürt suyǧan bırneşe künnıŋ ışınde Qazaqstannyŋ segız qalasynda bırden jylumen jabdyqtau jüielerınde apattar boldy: Stepnogorsk, Ekıbastūz, Aqtau, Balqaş, sondai-aq Temırtau, Ridder, Jaŋaözen jäne Kökşetau. Atyrau men jartylai Temırtau da susyz qaldy.
Sonymen bırge, jaqynda ǧana Energetika ministrlıgınıŋ ökılderı de, salany qadaǧalaityn Premer-ministrdıŋ bırınşı orynbasary Roman Skliar da qazaqstandyqtardy bärı jaqsy bolatynyna sendırdı.
