رەسپۋبليكالىق مەملەكەتتىك كورەي اكادەميالىق تەاترى تاۋەلسىزدىك مەرەكەسىنە وراي «قوبىلاندى» قويىلىمىن ساحنالادى. حالىق ەپوسى «قوبىلاندى» تاريحي جىر. بۇل قويىلىمدا قازاق حالقىنىڭ تاريحى، دالا فيلوسوفياسى، ەرلىك جىرى سيپاتتالدى.
قارا قىپشاق قوبىلاندى باتىر ميفتىك بەينە ەمەس، ول قازاق حاندىعىنىڭ قالىپتاسۋىنا دا ىقپال ەتكەن تاريحي تۇلعا. كورەي تەاترى تاۋەلسىزدىك قارساڭىندا وسى «قوبىلاندى» ەپوسىن ساحنالاپ، كورەرمەندەرگە ۇسىندى.
بۇگىندە كورەي تەاترى ايتۋلى ونەر شاڭىراعى جانە قازاقستان كورەيلەرىنىڭ مادەني ورتالىعى بولىپ تابىلادى. بۇل مادەنيەت پەن ونەردى، ونىڭ سان قىرلى ەرەكشەلىگىن ساقتاپ، وركەندەتىپ وتىرعان مەملەكەتتىك قولداۋدىڭ ناقتى كورىنىسى. جىل وتكەن سايىن ءبىزدىڭ ەلىمىز بەن كورەيا رەسپۋبليكاسى اراسىنداعى مادەني بايلانىس تا جوعارى دەڭگەيدە دامۋدا. وسىنىڭ بارلىعى تاۋەلسىزدىگىمىزدىڭ ارقاسىندا قول جەتكىزگەن جەتىستىكتەر - قازاقستاندىق كورەيلەر قاۋىمداستىعىنىڭ توراعاسى يۋري شين
پلاستيكالىق دراما باعىتىندا ساحنالانعان «قوبىلاندى» سپەكتاكلى كوركەم بيمەن اسەم اندەرمەن ورنەكتەلىپ، كورەرمەندەرگە ەرەكشە اسەر بەردى. جالپى قازاق ۇلتىنىڭ بولمىسىنا، ونىڭ تاريحى مەن قۇندىلىقتارىنا قاتىستى شىعارمالاردى ءجيى ناسيحاتتاپ وتىرۋ تەاتردىڭ باستى ماقساتتارىنىڭ ءبىرى.
