Respýblıkalyq memlekettik koreı akademııalyq teatry táýelsizdik merekesine oraı «Qobylandy» qoıylymyn sahnalady. Halyq eposy «Qobylandy» tarıhı jyr. Bul qoıylymda qazaq halqynyń tarıhy, dala fılosofııasy, erlik jyry sıpattaldy.
Qara Qypshaq Qobylandy batyr mıftik beıne emes, ol qazaq handyǵynyń qalyptasýyna da yqpal etken tarıhı tulǵa. Koreı teatry táýelsizdik qarsańynda osy «Qobylandy» eposyn sahnalap, kórermenderge usyndy.
Búginde koreı teatry aıtýly óner shańyraǵy jáne Qazaqstan koreıleriniń mádenı ortalyǵy bolyp tabylady. Bul mádenıet pen ónerdi, onyń san qyrly ereksheligin saqtap, órkendetip otyrǵan memlekettik qoldaýdyń naqty kórinisi. Jyl ótken saıyn bizdiń elimiz ben Koreıa Respýblıkasy arasyndaǵy mádenı baılanys ta joǵary deńgeıde damýda. Osynyń barlyǵy táýelsizdigimizdiń arqasynda qol jetkizgen jetistikter - Qazaqstandyq koreıler qaýymdastyǵynyń tóraǵasy Iýrıı Shın
Plastıkalyq drama baǵytynda sahnalanǵan «Qobylandy» spektakli kórkem bımen ásem ándermen órnektelip, kórermenderge erekshe áser berdi. Jalpy qazaq ultynyń bolmysyna, onyń tarıhy men qundylyqtaryna qatysty shyǵarmalardy jıi nasıhattap otyrý teatrdyń basty maqsattarynyń biri.
