Eks-prezidenttıŋ eşkımge ökpesı bolmauy kerek – Baqytjan Bazarbek

Osydan 6 jyl būryn däl osy künı Nūrsūltan Nazarbaev prezident qyzmetınen ketetının aityp memlekettık telearnadan ündeu joldaǧan bolatyn, dep habarlaidy "Adyrna" ūlttyq portaly. Mäjılıs deputaty Baqytjan Bazarbek «Nazarbaev bilıkten ketkennen keiın özın qalai ūstady?» degen sūraqqa jauap berdı. Mäjılıs deputaty būl saualdyŋ öte qiyn sūraq ekenın eskerttı. «Sebebı bız bırınşıden, teledidardan körıp jatqan dünielerdı eskeremız ǧoi. Ony bolaşaqta tarihşylar materialdardy zerttep, baǧasyn bere jatar. Öz basym ol jaŋa prezidenttı qoldaudy küşeitu kerek edı dep oilaimyn. Ol resmi türde bilıkten ketıp, teledidardan jaŋa prezidenttı qoldauǧa şaqyrdy. Bıraq ekrannyŋ arǧy jaǧyndaǧy dünielerdı bız bılmeimız ǧoi. Sol sebeptı būl sūraqqa üzıldı-kesıldı naqty jauap bere almaimyn. Men zaŋger retınde naqty materialdarǧa süienemın. Bıraq zaŋger retınde mende de köptegen sūraqtar tuyndaidy. Ärıptestım Ermūrat Bapi «Eskı Qazaqstanǧa» qatysty bırneşe deputattyq saual joldady. Sebebı bas köteretın är türlı ıs-qimyldar jasap jatyr. Sondyqtan da barlyǧymyz prezident Qasym-Jomart Kemelūly Toqaevtyŋ janyna toptasyp, järdemşı retınde kömektesuımız kerek. Eger de «Ädılettı Qazaqstan» qūramyz desek, bız jaŋa özgerısterdı engızuımız kerek. Bügın parlament mäjılısıne kelıp, jaŋa özgerıster bar ekenın aşyq aityp otyrmyn», – dedı ol. Soŋǧy jyldary eks-prezident Qazaqstan halqyn Täuelsızdık künımen qūttyqtamai jür. Mūnyŋ sebebı nede? Eks-prezident elge ökpelı me? «Jeke öz basym eger eks-prezident bolsam, eldı qūttyqtar edım. Mäselen AQŞ eks-prezidentterıne qaraŋyzdarşy, olar respublika jäne demokratiialyq partiia retınde qyrǧi-qabaq bolsa da, şeşuşı sätte kelesı prezidenttıŋ inaugurasiiana kelıp, sättılık tıleidı. Künı būryn bır-bırın synap jamandaidy, bıraq şeşuşı sätte barlyq zaŋ talaptaryn saqtap, qol alysyp, jyly amandasady. Bızde sondai saiasi mädenietke jetuımız kerek. Ökınışke qarai ondai saiasi mädenietke bız älı jete qoiǧan joqpyz. Bızdıŋ būrynǧy eks-prezidentımızdıŋ eşkımge ökpesı bolmauy kerek. Bır özı memlekettı bır ǧasyrdyŋ 1/3 basqardy», – dedı ol.